औरंगाबाद: १६ मजूरांचा अपघाती मृत्यू, मदतीबाबत मोदींचं आश्वासन

औरंगाबाद, ८ मे: जालन्यातील एका कंपनीत काम करणाऱ्या १६ मजूरांचा अपघाती मृत्यू झाल्याची धक्कादायक घटना औरंगाबादमध्ये घडली आहे. शुक्रवारी पहाटेच एक मोठी भीषण दुर्घटना झाल्याचे समोर आले आहे. बदनापूर ते करमाडदरम्यान मालगाडीखाली चिरडून १४ जणांचा जागीच मृत्यू झाला. उपचारादरम्यान दोघांचा मृत्यू झाला आहे.

दुसरीकडं रेल्वे मंत्रालयानं एक ट्विट करून घटनेची माहिती दिली आहे. ‘सकाळच्या सुमारास काही मजूर रेल्वे रुळांवर असल्याचं लोको पायलटच्या लक्षात आलं. प्रसंगावधान राखून त्यानं गाडी थांबवण्याचा प्रयत्न केला. मात्र, त्याचा उपयोग झाला नाही आणि गाडीनं मजुरांना धडक दिली,’ असं ट्विटमध्ये नमूद करण्यात आलं आहे. जखमींवर उपचार सुरू असल्याची माहिती देखील रेल्वे खात्यानं दिली आहे.

जालना येथील स्टील कंपनीचे १९ कामगार भुसावळला जाण्यासाठी रेल्वेरुळावरून पायी निघाले होते. सटाना परिसरात ते रुळावर झोपले असताना मालगाडीने त्यांना चिरडले. यात १६ जण ठार तर २ कामगार जखमी झाले. सर्वांचे मृतदेह शासकीय वैद्यकीय महाविद्यालय औरंगाबाद येथे शवविच्छेदनासाठी पाठवले आहेत.

त्यानंतर आता या प्रकरणाची पंतप्रधान नरेंद्र मोदींनी दखल घेतली असून, रेल्वे मंत्र्यांशी चर्चा केली आहे. तसेच या परिस्थितीवर बारीक लक्ष ठेवून असल्याचंही मोदी म्हणाले आहेत. आवश्यक मदत केली जाईल, असंही आश्वासन मोदींनी दिलं आहे.

Extremely anguished by the loss of lives due to the rail accident in Aurangabad, Maharashtra. Have spoken to Railway Minister Shri Piyush Goyal and he is closely monitoring the situation. All possible assistance required is being provided.

— Narendra Modi (@narendramodi) May 8, 2020

News English Summary: A shocking incident has taken place in Aurangabad where 16 workers of a company in Jalna died in an accident. A major accident has been reported on Friday morning. Between Badnapur and Karmad, 14 people were crushed under a freight train and died on the spot. Both have died during treatment.

News English Title: Story Aurangabad train accident loco pilot of goods train tried to stop the train Indian railway Ministry Tweet News Latest Updates.