सातारा लोकसभा पोटनिवडणुकीत उदयनराजे भोसले १० हजार मतांनी पिछाडीवर

सातारा: विधानसभा निवडणुकीच्या मतमोजणीसाठी सारी तयारी पूर्ण झाली असून, सुमारे २५ हजार अधिकारी आणि कर्मचाऱ्यांची मतमोजणीच्या कामाकरिता नेमणूक करण्यात आली आहे. आज दुपारी १२ वाजेपर्यंत सर्व कौल हाती येण्याची शक्यता वर्तवण्यात येत आहे. महायुती की आघाडीची सत्ता येणार हे काही वेळातच स्पष्ट होणार आहे.

विधानसभा निवडणुकीच्या मतमोजणीला सुरुवात झालेली आहे. निकालाचा पहिला कल महायुतीच्या बाजूने लागला आहे. जवळपास १०० च्या वर महायुतीने आघाडी घेतली आहे तर महाआघाडी ६० जागांच्या वर आलेली आहे. सर्वात महत्वाचं म्हणजे सातारा लोकसभा पोटनिवडणुकीत भाजपचे उमेदवार उदयनराजे भोसले तब्बल १० हजार मतांनी पोछाडीवर असल्याचं समजतं आणि येथे उदयनराजे भोसले यांना जोरदार धक्का मिळण्याची शक्यता वर्तविण्यात आली आहे.

अर्थात उदयनराजे भोसले आणि श्रीनिवास पाटील यांच्यात ही लढत आहे. मात्र राष्ट्रवादीचे उमेदवार श्रीनिवास पाटील यांना तब्बल १० मतांची आघाडी मिळाल्याने उदयराजे यांच्यावर सातारकर संतापल्याचे म्हटले जात आहे. यापूर्वी देखील उदयनराजे भाजपमध्ये पराभूत झाले आहेत आणि तोच इतिहास पुन्हा घडणार असं म्हटलं जातं आहे.