18 May 2022 12:44 PM
अँप डाउनलोड
बातम्या फ्लॅश
Mutual Fund SIP | 100 रुपयांपासून म्युच्युअल फंडात गुंतवणूक सुरू करा | दीर्घकाळात मिळेल कोटींचा निधी Upper Circuit Penny Stocks | आज हे पेनी स्टॉक्स अप्पर सर्किटमध्ये आहेत | नफ्याच्या शेअर्सवर लक्ष ठेवा Investment Tips | तुम्हाला आर्थिकदृष्ट्या संपन्न राहायचे असल्यास या टिप्स फॉलो करा | फायद्यात राहाल LIC Share Price | एलआयसीचे शेअर्स दुसऱ्या दिवशी तेजीत | आता तज्ज्ञ काय म्हणतात जाणून घ्या PNB MetLife Dental Health Insurance | आता डेंटल केअर इन्शुरन्स प्लॅन देखील घेता येणार | फायदे जाणून घ्या Ethos IPO | आजपासून इथॉस आयपीओमध्ये गुंतवणूक करण्याची संधी | तपशील जाणून घ्या Hot Stocks | या 3 शेअर्सनी गुंतवणूकदारांना केवळ 3 दिवसात मजबूत परतावा दिला | स्टॉकबद्दल जाणून घ्या
x

पवारांकडून हिंदुंच्या श्रद्धेचा अपमान, हिंदुत्ववादी ठाकरे गप्प का? - विनायक मेटे

CM Uddhav Thackeray silent, Sharad Pawar, Ram Mandir, Vinayak Mete

नाशिक, २० जुलै : अयोध्येतील राम मंदिराच्या भूमिपूजनाच्या पार्श्वभूमीवर राजकारण तापायला सुरुवात झाली आहे. येत्या ५ ऑगस्टला पंतप्रधान नरेंद्र मोदी यांच्या हस्ते राम मंदिराचे भूमिपूजन होणार असल्याचे सांगितले जात आहे. मात्र, देशात सध्या राम मंदिर बांधून कोरोना जाणार आहे का, असा खोचक सवाल राष्ट्रवादी काँग्रेसचे सर्वेसर्वा शरद पवार यांनी उपस्थित केला होता.

पवार म्हणाले होते, “कोरोना हे देशावरचे मोठे संकट आहे. त्यावर यशस्वीपणे मात करण्यासाठी राज्य व केंद्र सरकार एकत्रित आले पाहिजे. एकमेकांशी योग्य समन्वय साधून काम झाले पाहिजे. कोरोनाचे भयसंकट परतवून लावण्यासाठी कोणत्या गोष्टींना महत्त्व द्यायचे, हे प्राधान्याने ठरविले पाहिजे. परंतू, मंदिर बांधून कोरोनाचं संकट दूर होईल, असं काही मंडळींना वाटतं आहे. राम मंदिर बांधून कोरोना आटोक्यात येत असेल तर भूमिपूजन अवश्य करा. फक्त करोनाचं संकट दूर व्हावं हीच आमची इच्छा आहे.”

यावर प्रतिक्रिया देताना शिवसंग्रामचे विनायक मेटे म्हणाले की, ‘मंदिर बांधून करोना जाणार नाही असं त्याचं म्हणणं असेल तर मंदिर न बांधून तो जाणार आहे का,’ असा प्रश्न मेटे यांनी पवारांना केला. ‘शरद पवारांनी हिंदू समाजाच्या श्रद्धेचा अवमान केला आहे. स्वत:ला हिंदू नेते म्हणवणारे मुख्यमंत्री आता मूग गिळन गप्प का? त्यांनी आपली भूमिका स्पष्ट करावी,’ असं आव्हानही मेटे यांनी उद्धव ठाकरे यांना दिलं.

दूध दरासाठी भाजपनं आज सुरू केलेल्या आंदोलनात मेटे यांची संघटनाही उतरली आहे. जिल्हाधिकारी मांढरे यांना मागण्यांचे निवेदन दिल्यानंतर ते पत्रकारांशी बोलत होते. स्वाभिमानी शेतकरी संघटनेचे नेते राजू शेट्टी यांच्यावरही त्यांनी टीका केली. ‘राजू शेट्टी हे आता शेतकऱ्यांचे नेते राहिलेले नाहीत. त्यांची आंदोलनं दाखवण्यापुरती आहेत,’ असं मेटे म्हणाले.

 

News English Summary: Vinayak Mete of Shiv Sangram said, “If he says that Corona will not go after building a temple, will he go without building a temple,” Mete asked Pawar. Sharad Pawar has insulted the faith of the Hindu community. Why is the Chief Minister, who calls himself a Hindu leader, silent now? They should clarify their role

News English Title: Why CM Uddhav Thackeray silent on Sharad Pawar Ram Mandir statement Shivsangram leader Vinayak Mete asked News Latest Updates.

हॅशटॅग्स

#UddhavThackeray(409)

संबंधित बातम्या

राहुन गेलेल्या बातम्या

x