13 May 2021 1:33 AM
अँप डाउनलोड

VIDEO | मराठीतला पहिला झॉम्बी सिनेमा | ‘झोंबिवली’ येतोय

Zombivli Teaser, Aditya Sarpotdar, Amey Wagh, Vaidehi Parshurami

मुंबई, १६ फेब्रुवारी: फास्टर फेणे, क्लासमेट्स, माऊली ह्यासारख्या अप्रतिम चित्रपटांचे दिग्दर्शक आदित्य सरपोतदार लवकरच त्यांचा बहूचर्चित ‘ झोंबिवली ‘ हा सिनेमा प्रेक्षकांसमोर सादर करणार आहेत. चित्रपटाच्या पोस्टर लाँचनंतर प्रेक्षकांची उत्सुकता वाढली होती. नुकताच ह्या चित्रपटाचा टिझर लाँच करण्यात आला आहे . अमेय वाघ, ललित प्रभाकर आणि वैदेही परशुरामी ह्यांची प्रमुख भूमिका असलेला हा चित्रपट ३० एप्रिल पासून प्रेक्षकांना चित्रपटगृहात पाहता येईल.

BhagyaVivah Marathi Matrimonial

२०२० मध्ये सिनेसृष्टीतल्या सर्वच कामांना ब्रेक लागला होता, पण झोंबिवली हा पहिला मराठी चित्रपट आहे ज्याचे चित्रीकरण अनलॉक फेजमध्ये करण्यात आले होते. यौडली फिल्म्सची निर्मिती असलेल्या झोंबिवलीचे चित्रीकरण मुंबईसह लातूरमध्ये करण्यात आले आहे. चित्रीकरण दरम्यान सर्व कलाकार व टीमने सरकारने आखून दिलेल्या नियमांचे पालन करूनच चित्रीकरण केले. त्याचबरोबर झोंबिवली हा असा पहिला मराठी चित्रपट असेल ज्याची चित्रपटगृहात रिलीज होण्याची घोषणा झाली आहे.

मुंबईच्या एका लोकप्रिय आणि गजबजलेल्या उपनगराचा ताबा घेणाऱ्या झोंबीवर हा चित्रपट आधारित आहे. टिझरमध्ये प्रेक्षकांना हॉरर आणि कॉमेडीचे मिश्रण बघायला मिळेल. अमेय, ललित आणि वैदेही हे तिन्ही कलाकार प्रेक्षकांच्या मनात कुतूहल आणि हास्याचे वातावरण निर्माण करतात.

अभिनेता ललित प्रभाकरनं याचं पोस्टरही आपल्या सोशल मिडिया अकाऊंटला पोस्ट केलं आहे. मराठीतला पहिला झॉम्बी सिनेमा – ‘झोंबिवली’!!!! टीझर येत आहे उद्या, ते पोहोचतीलच, तुमच्या दारापर्यंत अशा कॅप्शनसह त्याने या सिनेमाविषयी आपल्या चाहत्यांना सांगितलं. ३० एप्रिलला हा चित्रपट प्रेक्षकांच्या भेटीला येणार आहे.

 

News English Summary: Aditya Sarpotdar, the director of amazing films like Faster Fene, Classmates, Mauli, will soon be presenting his much talked about film ‘Zombivali’. The curiosity of the audience was heightened after the poster launch of the film. The teaser of this movie has been launched recently. The film, starring Amay Wagh, Lalit Prabhakar and Vaidehi Parashurami, will be available in cinemas from April 30.

News English Title: Zombivli Teaser Aditya Sarpotdar Amey Lalit and Vaidehi news updates.

हॅशटॅग्स

#MarathiMovie(8)

संबंधित बातम्या

राहुन गेलेल्या बातम्या

x