Ashok Leyland Share Price | सध्या जर तुम्ही गुंतवणूक करण्यासाठी दर्जेदार स्टॉक शोधत असाल तर तुम्ही अशोक लेलँड कंपनीच्या शेअरवर लक्ष ठेवू शकतात. अशोक लेलँड ही एक व्यावसायिक वाहन निर्माता कंपनी म्हणून ओळखली जाते. अनेक ब्रोकरेज फर्मने अशोक लेलँड कंपनीचे शेअर्स खरेदी करण्याचा सल्ला दिला आहे.
आयआयएफएल सिक्युरिटीज फर्मच्या मते अशोक लेलँड कंपनीचे शेअर्स पुढील काही दिवसात 220 रुपये पर्यंत वाढू शकतात. आज मंगळवार दिनांक 25 जुलै 2023 रोजी अशोक लेलँड कंपनीचे शेअर्स 0.19 टक्के वाढीसह 182.80 रुपये किमतीवर क्लोज झाले आहेत.
नुकताच अशोक लेलँड कंपनीला 800 कोटी रुपये मूल्याचे नवीन कॉन्ट्रॅक्ट मिळाले आहे. अशोक लेलँड कंपनी केंद्रीय संरक्षण मंत्रालयाने 800 कोटी रुपये मूल्याची एक वर्क ऑर्डर दिली आहे. या करारांमध्ये पुढील 12 महिन्यांत कंपनी भारतीय लष्कराला विशेष 4×4 फील्ड तोफखाना ट्रॅक्टर आणि 6×6 तोफा टोइंग वाहने पुरवणार आहे. भारतीय लष्कराच्या तोफखाना बटालियनद्वारे हलक्या आणि मध्यम बंदुकांची सुलभतेने वाहतूक करण्यासाठी या लष्करी वाहनांची निवड करून अशोक लेलँड कंपनीला ऑर्डर देण्यात आली आहे.
1999 मध्ये कारगिल युध्दानंतर अशोक लेलँड कंपनीच्या लष्करी वाहनांनी भारतीय लष्कराच्या लॉजिस्टिक विभागाचा एक महत्त्वाचा म्हणून जबाबदारी सांभाळली आहे. अशोक लेलँड या कंपनीचे मुख्यालय चेन्नई येथे असून ही कंपनी एक भारतीय बहुराष्ट्रीय ऑटोमोटिव्ह उत्पादक कंपनी म्हणून जगभरात प्रसिद्ध आहे.
अशोक लेलँड ही कंपनी हिंदुजा समूहाच्या मालकीची कंपनी असून भारतातील दुसऱ्या क्रमांकाची सर्वात मोठी व्यावसायिक वाहन उत्पादन करणारी कंपनी म्हणून ओळखली जाते. अशोक लेलँड या ऑटो क्षेत्रातील लार्ज कॅप कंपनीची स्थापना 1948 साली झाली होती.
महत्वाचं : म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.
