Investment Tips | LIC च्या ग्राहकांसाठी एक आनंदाची बातमी आली आहे. LIC आपल्या ग्राहकांसाठी वेळोवेळी फायदेशीर योजना बाजारात लाँच करत असते. LIC च्या या योजनांमध्ये गुंतवणूक करून तुम्ही तुमचे आणि तुमच्या कुटुंबाचे आर्थिक भविष्य सुरक्षित करू शकता. LIC ने एक विशेष योजना सुरू केली आहे, त्याचे नाव आहे “जीवन उमंग पॉलिसी”. या योजनेमध्ये तुम्ही गुंतवणूक करून भविष्यात चांगला परतावा कमवू शकता आणि आपल्या कुटुंबाला आर्थिक सुरक्षा ही प्रदान करू शकता.
LIC जीवन उमंग पॉलिसी :
जीवन उमंग पॉलिसी LIC च्या इतर गुंतवणूक योजनांपेक्षा अनेक बाबतीत वेगळी आहे. या पॉलिसी मध्ये गुंतवणूक करण्यासाठी किमान मर्यादा 90 दिवस ते 55 वर्षे निश्चित करण्यात आली आहे. या वयोगटातील कोणीही भारतीय नागरिक या पॉलिसीमध्ये गुंतवणूक करू शकता. LIC जीवन उमंग पॉलिसी ही एक एंडॉवमेंट स्कीम आहे. यामध्ये योजनेत, लाइफ इन्शुरन्स कव्हरसह, मॅच्युरिटीवर एकरकमी व्याज परतावा रक्कम दिली जाते. मुदतपूर्तीनंतर दर वर्षी तुमच्या खात्यात एक ठराविक परतावा रक्कम जमा केली जाईल. दुसरीकडे, पॉलिसीधारकाच्या मृत्यूनंतर, त्याच्या कुटुंबातील वारसदार सदस्यांना किंवा नॉमिनीला एकरकमी विमा रक्कम दिली जाईल. या योजनेचे आणखी एक जबरदस्त वैशिष्ट्य म्हणजे यात गुंतवणूक केल्यास 100 वर्षांपर्यंतचे जीवन विमा कव्हरेज प्रदान केले जाते.
27.60 लाख परतावा कसा मिळवाल ?
एलआयसी च्या या जीवन विमा पॉलिसीमध्ये तुम्ही दर महिन्याला 1302 रुपये प्रीमियम जमा केल्यास 15,298 रुपये गुंतवणूक रक्कम जमा होईल. जर तुम्ही पुढील 30 वर्षांसाठी या योजनेत गुंतवणूक करत राहिल्यास तुमची गुंतवणूक रक्कम 4.58 लाख रुपयांपर्यंत वाढेल. तुमच्या गुंतवणुकीवर 31 व्या वर्षापासून LIC तुम्हाला दरवर्षी 40 हजारांचा परतावा देईल. योजना सुरू केल्याच्या 31 वर्षे पासून ते 100 वर्षांपर्यंत LIC कडून तुम्हाला वार्षिक 40 हजारांचा म्हणजेच सुमारे 27.60 लाख रुपये परतावा दिला जाईल.
टर्म रायडरचाही लाभ :
LIC च्या या योजनेअंतर्गत, गुंतवणूकदाराचा अपघाती मृत्यू झाल्यास किंवा अपंगत्व आल्यास त्याला टर्म रायडर बेनिफिट उपलब्ध असेल. या पॉलिसी मधील गुंतवणुकीवर बाजारातील जोखमीचा किंवा चढ उताराचा कोणताही परिणाम होत नाही. या पॉलिसीवर फक्त एलआयसीच्या नफा-तोट्याचा परिणाम होतो. या योजनेत गुंतवणूक केल्यास आयकर कलम 80C अंतर्गत तुम्हाला कर सवलत दिली जाईल. जर तुम्हाला LIC जीवन उमंग पॉलिसीमध्ये गुंतवणूक करायची असेल तर तुम्हाला किमान दोन लाख रुपयांची विमा पॉलिसी घ्यावी लागेल.
महत्वाचं : तुम्हाला हा लेख/बातमी आवडली असेल तर नक्की शेअर करा आणि महाराष्ट्रनामाला फॉलो करा. तसेच शेअर बाजारातील गुंतवणुकीसंदर्भात तज्ज्ञांनी दिलेल्या सल्ल्याशी आमचा काहीही संबंध नाही. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. शेअर खरेदी/विक्री हा बाजार तज्ज्ञांचा सल्ला आहे. म्युच्युअल फंड आणि शेअर बाजारातील गुंतवणूक ही जोखमींवर आधारित असते. त्यामुळे कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.
