Jio Finance Share Price | जिओ फायनान्शिअल कंपनीच्या शेअर्समध्ये आज किंचित नफा वसुली पाहायला मिळत आहे. बुधवारी या कंपनीचे शेअर्स 350 रुपये किमतीच्या (NSE: JioFinance) आसपास व्यवहार करत होते. मागील एका महिन्यात जिओ फायनान्शिअल स्टॉक 325 रुपये किमतीच्या आसपास ट्रेड करत होता. त्यानंतर हा स्टॉक कन्सोलिडेशनच्या टप्प्यातून बाहेर पडून 350 रुपये किमतीवर पोहोचला होता. आता पुन्हा एकदा हा स्टॉक 350 रुपये किमतीवर कन्सोलीडेशनच्या टप्प्यातून जात आहे. (जिओ फायनान्शिअल कंपनी अंश)
तज्ज्ञांकडून BUY रेटिंग
शेअर बाजारातील तज्ज्ञांनी जिओ फायनान्शिअल कंपनीच्या शेअरमध्ये बारा महिन्यांसाठी गुंतवणूक करण्याचा सल्ला दिला आहे. तज्ञांच्या मते या स्टॉकने तेजीत येण्यासाठी सर्व रेझिस्टन्स लेव्हल्स तोडणे आवश्यक आहे. जर हा स्टॉक 370 रुपये आणि 380 रुपये किमतीच्या पार गेला तर अल्पावधीत शेअर 400 रुपये किंमत स्पर्श करू शकतो. आज गुरुवार दिनांक 26 सप्टेंबर 2024 रोजी जिओ फायनान्शियल कंपनीचे शेअर्स 0.74 टक्के घसरणीसह 350.20 रुपये किमतीवर ट्रेड करत आहेत.
जिओ फायनान्शियल स्टॉक टेक्निकल चार्टवर
टेक्निकल चार्टवर जिओ फायनान्शियल स्टॉक मजबूत वाढीचे संकेत देत आहे. तज्ञांच्या मते, गुंतवणूकदार हा स्टॉक 340 रुपये किमतीवर खरेदी करून 370-400 रुपये टार्गेट प्राईजसाठी होल्ड करू शकतात. मे 2024 मध्ये जिओ फायनान्शिअल कंपनीच्या शेअर्सने 394 रुपये ही आपली सर्वकालीन उच्चांक किंमत पातळी स्पर्श केली होती. तज्ञांच्या मते हा स्टॉक पुढील काळात 400 रुपये किंमत स्पर्श करू शकतो. म्हणजेच या स्टॉकमध्ये सध्याच्या किमतीच्या तुलनेत 14 टक्के वाढ अपेक्षित आहे.
महत्वाचं : म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.
