MRP Agro Share Price | एमआरपी ऍग्रो लिमिटेड या स्मॉल कॅप कंपनीचे शेअर्स मागील एका वर्षापासून जबरदस्त तेजीत वाढत आहेत. आता ही कंपनी आपल्या शेअर धारकांना मोफत बोनस शेअर्स वाटप करणार आहे. एमआरपी ऍग्रो लिमिटेड कंपनीने नुकताच आपल्या शेअर धारकांना 1 शेअरवर 2 बोनस शेअर्स मोफत देण्याची घोषणा केली होती.
बुधवारच्या ट्रेडिंग सेशनमध्ये एमआरपी ऍग्रो लिमिटेड कंपनीचे शेअर्स 4.34 टक्क्यांच्या वाढीसह 142 रुपये किमतीवर ट्रेड करत होते. तर आज शुक्रवार दिनांक 1 सप्टेंबर 2023 रोजी एमआरपी ऍग्रो लिमिटेड कंपनीचे शेअर्स 4.92 टक्के वाढीसह 149.20 रुपये किमतीवर ट्रेड करत आहेत.
एमआरपी ऍग्रो लिमिटेड कंपनीने आपल्या शेअर धारकांना मोफत बोनस शेअर्स वाटप करण्याची घोषणा तर केली आहे, मात्र त्यासाठीची रेकॉर्ड तारीख अद्याप जाहीर केलेली नाही. पुढील काही दिवसांत एमआरपी अॅग्रो लिमिटेड कंपनी रेकॉर्ड डेट जाहीर करेल. 28 ऑगस्ट 2023 रोजी कंपनीच्या संचालक मंडळाची बैठक आयोजित करण्यात आली होती. या बैठकीत MRP Agro Limited कंपनीने आपल्या विद्यमान पात्र शेअर धारकांना 1 शेअरवर 2 बोनस शेअर्स मोफत देण्याचा निर्णय घेतला होता.
एमआरपी ऍग्रो लिमिटेड कंपनीच्या शेअरची 52 आठवड्यांची उच्चांक पातळी किंमत 182.89 रुपये होती. तर मागील 6 महिन्यांत या कंपनीच्या शेअरने आपल्या गुंतवणूकदारांना 18 टक्क्यांपेक्षा जास्त नफा कमवून दिला आहे. मागील एका वर्षात या कंपनीच्या शेअरने आपल्या गुंतवणूकदारांना 184.19 टक्के परतावा कमावून दिला आहे. मागील 5 वर्षात या कंपनीच्या शेअरने आपल्या गुंतवणूकदारांना 308.21 टक्के परतावा कमावून दिला आहे.
महत्वाचं : म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.
