OCCRP Report on Adani | ED शांत? 'या' दोन 'गुप्त' शेल कंपन्या ब्रिटीश आयलँडमध्ये, अदानी समूहाशी आर्थिक कनेक्शन, चीन कनेक्शन सुद्धा

OCCRP Report on Adani | वर्षाच्या सुरुवातीला जानेवारीमहिन्यात हिंडेनबर्ग अहवालाच्या अहवालात करण्यात आलेल्या आरोपांनंतर अदानी समूहाच्या अडचणी कमी होताना दिसत नाहीत. ऑर्गनाइज्ड क्राइम अँड करप्शन रिपोर्टिंग प्रोजेक्ट (ओसीसीआरपी) या स्वयंसेवी माध्यम संस्थेच्या अहवालानुसार, पहिला गुंतवणूकदार संयुक्त अरब अमिरातीचा आहे, ज्याचे नाव नासिर अली शाबान अहली आहे. तर दुसरा गुंतवणूकदार तैवानचा असून त्याचे नाव चांग चुंग-लिंग आहे.

गौतम अदानी यांचे बंधू विनोद अदानी यांचे निकटवर्तीय

या प्रकरणी इंडियन एक्स्प्रेसमध्ये प्रसिद्ध झालेल्या बातमीत दावा करण्यात आला आहे की, दोन्ही शेल कंपन्या आहेत आणि ब्रिटिश व्हर्जिन आयलँडमध्ये (बीव्हीआय) नोंदणीकृत आहेत. इंटरनॅशनल ऑर्गनायझेशन ऑफ इन्व्हेस्टिगेटिव्ह वायजर्नलने पेंडोरा पेपर्सच्या तपासणीत ही बाब समोर आली आहे. नेटवर्क ओसीआरपी या ग्लोबल जर्नलने दिलेल्या वृत्तानुसार, नासिर अली शाबान अहली आणि चांग चुंग-लिंग हे अदानी समूहाचे संस्थापक गौतम अदानी यांचे बंधू विनोद अदानी यांचे निकटवर्तीय आहेत.

स्वत:च्या शेअर्सची गुप्तपणे खरेदी करतात

इंडियन एक्स्प्रेसने दिलेल्या वृत्तानुसार, अहली गल्फ एशियन ट्रेड अँड इन्व्हेस्टमेंट लिमिटेडचा वापर करत होता. त्याचबरोबर चांग यांनी लिंगो इन्व्हेस्टमेंट लिमिटेडच्या माध्यमातून गुंतवणूक केली आहे. ओसीसीआरपीच्या अहवालात असेही म्हटले आहे की, अदानी समूहाने स्वत:चा शेअर खरेदी करून गुप्तपणे शेअर बाजारात कोट्यवधी डॉलर्सची गुंतवणूक केली. अदानी समूहाचे अब्जावधी रुपयांचे शेअर्स खरेदी-विक्री करणाऱ्या या दोघांचे अदानी कुटुंबाशी घनिष्ठ संबंध आहेत.

दोघेही अदानी समूहाशी संबंधित कंपन्यांचे संचालक

दोघेही अदानी समूहाशी संबंधित कंपन्यांचे संचालक आणि भागधारक आहेत. नासिर अली शाबान अहली हे संयुक्त अरब अमिरातीचे (यूएई) व्यापारी आहेत. ते संयुक्त अरब अमिरातीस्थित अल जवदा ट्रेड अँड सर्व्हिसेस या सल्लागार कंपनीचे संचालक आहेत. तर चांग चुंग लिंग हे ग्वाडामी इंटरनॅशनलचे आहेत.

Disclaimer | म्युच्युअल फंड आणि शेअर बाजारातील गुंतवणूक ही जोखमींवर आधारित असते.  शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.

News Title : OCCRP Report on Adani link to British Virgin Islands shell firms highlighted in report 01 Sept 2023.