Reliance Power share Price | रिलायन्स पॉवर कंपनीच्या शेअर्समध्ये जबरदस्त अस्थिरता पाहायला मिळत आहे. या कंपनीचे शेअर्स गुरुवारच्या ट्रेडिंग सेशनमध्ये 5 टक्क्यांच्या वाढीसह 28.71 रुपये किमतीवर ट्रेड करत होते. आज मात्र हा स्टॉक विक्रीच्या दबावात ट्रेड करत आहे. ( रिलायन्स पॉवर कंपनी अंश )
4 वर्षांत रिलायन्स पॉवर कंपनीच्या शेअर्सने आपल्या गुंतवणुकदारांना मजबूत कमाई करून दिली आहे. याकाळात कंपनीचे शेअर्स 1 रुपयेवरून वाढून 28 रुपये किमतीवर पोहचले होते. आज शुक्रवार दिनांक 19 एप्रिल 2024 रोजी रिलायन्स पॉवर स्टॉक 3.66 टक्के घसरणीसह 27.65 रुपये किमतीवर ट्रेड करत आहे.
मागील 4 वर्षांत रिलायन्स पॉवर कंपनीच्या शेअर्सने आपल्या गुंतवणुकदारांना 2400 टक्क्यांपेक्षा जास्त परतावा कमावून दिला आहे. 27 मार्च 2020 रोजी या कंपनीचे शेअर्स 1.13 रुपये किमतीवर ट्रेड करत होते. तर 18 एप्रिल 2024 रोजी या कंपनीचे शेअर्स 28.71 रुपये किमतीवर पोहोचले होते. जर तुम्ही 27 मार्च 2020 रोजी रिलायन्स पॉवर स्टॉकवर 1 लाख रुपये लावले असते तर आज तुमच्या गुंतवणुकीचे मूल्य 25.40 लाख रुपये झाले असते. मागील 1 वर्षात रिलायन्स पॉवर स्टॉक 132 टक्के मजबूत झाला आहे.
मागील 6 महिन्यांत रिलायन्स पॉवर कंपनीच्या शेअर्सने आपल्या गुंतवणुकदारांना 58 टक्क्यांपेक्षा जास्त परतावा कमावून दिला आहे. या कालावधीत कंपनीचे शेअर्स 18.19 रुपयेवरून वाढून 28 रुपये किमतीवर पोहचले होते. या कंपनीच्या शेअर्सची 52 आठवड्यांची उच्चांक किंमत पातळी 34.35 रुपये होती. तर नीचांक किंमत पातळी 11.06 रुपये होती. मागील 3 वर्षात रिलायन्स पॉवर स्टॉक 513 टक्क्यांनी मजबूत झाला आहे. 16 एप्रिल 2021 रोजी या कंपनीचे शेअर्स 4.68 रुपये किमतीवर ट्रेड करत होते. तर आता हा स्टॉक 27 रुपये किमतीच्या पार गेला आहे.
महत्वाचं : म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.
