Voltamp Share Price | व्होल्टॅम्प ट्रान्सफॉर्मर्स लिमिटेड या कंपनीचे शेअर्स 21 नोव्हेंबर 2008 रोजी 318 रुपये किमतीवर ट्रेड करत होते. व्होल्टॅम्प ट्रान्सफॉर्मर्स लिमिटेड कंपनीचे शेअर्स आता 4130 रुपये किमतीवर ट्रेड करत आहेत. याकाळात व्होल्टॅम्प ट्रान्सफॉर्मर्स लिमिटेड कंपनीच्या गुंतवणूकदारांनी 1400 टक्के नफा कमावला आहे. (Voltamp Transformers Share Price)
मागील 5 वर्षात व्होल्टॅम्प ट्रान्सफॉर्मर्स लिमिटेड कंपनीच्या शेअरने 887 रुपये किंमत पातळीपासून आतपर्यंत गुंतवणूकदारांना 365 टक्के नफा कमावून दिला आहे. 12 सप्टेंबर 2022 रोजी व्होल्टॅम्प ट्रान्सफॉर्मर्स लिमिटेड कंपनीचे शेअर्स 2396 रुपये किंमत पातळीवर ट्रेड करत होते. या किमतीवरून गुंतवणूकदारांनी 90 टक्के नफा कमावला आहे. शुक्रवार दिनांक 14 जुलै 2023 रोजी या कंपनीचे शेअर्स 0.96 टक्के वाढीसह 4,070.25 रुपये किमतीवर क्लोज झाले होते.
व्होल्टॅम्प ट्रान्सफॉर्मर्स लिमिटेड कंपनीने मागील आर्थिक वर्षासाठी आपल्या गुंतवणूकदारांना प्रति शेअर 60 रुपये अंतिम लाभांश वाटप करण्याची घोषणा केली आहे. व्होल्टॅम्प ट्रान्सफॉर्मर्स लिमिटेड कंपनीची वार्षिक सर्वसाधारण सभा 7 ऑगस्ट 2023 रोजी आयोजित करण्यात आली आहे. या सभेत लाभांश प्रस्ताव मंजूर मांडला जाऊ शकतो.
हेवी इलेक्ट्रिकल इक्विपमेंट कंपनीच्या निव्वळ नफ्यात वार्षिक आधारावर 45 टक्के वाढ नोंदवली गेली आहे. मार्च 2023 ला संपलेल्या तिमाहीत व्होल्टॅम्प ट्रान्सफॉर्मर्स लिमिटेड कंपनीने 76.6 कोटी रुपये निव्वळ नफा कमावला होता. मार्च 2023 तिमाहीत कंपनीने 13 टक्के वाढीसह 440 कोटी रुपये महसूल संकलित केला होता.
व्होल्टॅम्प ट्रान्सफॉर्मर्स लिमिटेड ही भारतीय कंपनी इलेक्ट्रिकल ट्रान्सफॉर्मर बनवण्याचे काम करते. कंपनीच्या उत्पादनात ऑइल फील्ड ट्रान्सफॉर्मर, कास्ट रेझिन ट्रान्सफॉर्मर, युनिफाइड सब स्टेशन्स आणि इंडक्शन फर्नेस ट्रान्सफॉर्मर यासारखे वस्तू सामील आहेत. शुक्रवारच्या ट्रेडिंग सेशनमध्ये व्होल्ट ट्रान्सफॉर्मर्स कंपनीचे शेअर्स 2.43 टक्के वाढीसह 4130 रुपये किमतीवर ट्रेड करत होते. शेअर बाजारातील अनेक तज्ञांनी देखील व्होल्टॅम्प ट्रान्सफॉर्मर कंपनीचे शेअर्स खरेदी करण्याचा सल्ला दिला आहे.
महत्वाचं : म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.
