अब बेबी पेंग्विन तो गयो | सुप्रीम कोर्टाच्या निकालानंतर आ. नितेश राणेंची प्रतिक्रिया

मुंबई, १९ ऑगस्ट : अभिनेता सुशांत सिंह राजपूत मृत्यू प्रकरणात सुप्रीम कोर्टाने आज महत्त्वपूर्ण निकाल दिला आहे. या मृत्यू प्रकरणाचा तपास सीबीआय करणार असल्याचा निकाल सुप्रीम कोर्टाने दिला आहे. सुप्रीम कोर्टाने सर्व पुरावे सीबीआयकडे सोपवण्याचा आदेश मुंबई पोलिसांना दिला आहे. पाटणामध्ये दाखल करण्यात आलेल्या गुन्ह्याचा तपास मुंबई पोलिसांकडे वर्ग करा, अशी मागणी एका याचिकेच्या माध्यमातून अभिनेत्री रिया चक्रवर्तीने केली होती. त्यावर आज सुप्रीम कोर्टाने निकाल दिला.

सुप्रीम कोर्टाने महाराष्ट्र पोलिसांना खटल्याच्या फाइल्स सीबीआयकडे सोपवण्याचे आणि आवश्यक ती मदत करण्याचे निर्देश दिले आहेत. “सीबीआय चौकशीचे आदेश कोर्टाने दिले आहेत. महाराष्ट्र पोलिसांनी त्याचे पालन केले पाहिजे आणि मदत केली पाहिजे” असे खंडपीठाने म्हटले. अभिनेता सुशांतसिंग राजपूत याच्या मृत्यूसंदर्भात भविष्यात नोंदवण्यात येणाऱ्या इतर कोणत्याही प्रकरणांचीही चौकशी करण्याचे निर्देशही कोर्टाने सीबीआयला दिले आहेत.

दरम्यान, या निकालानंतर भाजपचे आमदार नितेश राणे यांनी मोजक्या शब्दात प्रतिक्रिया दिली आहे. सुप्रीम कोर्टाच्या निकालानंतर सदर वृत्त प्रसिद्ध होताच आमदार नितेश राणे यांनी ट्विट करत म्हटलं आहे की…”अब बेबी पेंग्विन तो गयो….t’s SHOWTIME!”

Ab Baby penguin toh giyo!!!

It’s SHOWTIME! #JusticeForSSR

— nitesh rane (@NiteshNRane) August 19, 2020

News English Summary: The Supreme Court today delivered a landmark judgment in the death of actor Sushant Singh Rajput. The Supreme Court has ruled that the CBI will investigate the death case. The Supreme Court has directed the Mumbai Police to hand over all the evidence to the CBI.

News English Title: After supreme court order on Sushant Singh Rajput case investigation by CBI BJP MLA Nitesh Rane reaction News Latest Updates.