फडणवीस मुख्यमंत्री असताना असं घडलं असतं तर मुंबईबद्दल असं ट्वीट केलं नसतं - रेणुका शहाणे

मुंबई , ४ ऑगस्ट : सुशांत सिंह राजपूतच्या आत्महत्येनंतर राजकारण पेटलं आहे. सुशांतच्या आत्महत्येचा तपास मुंबई पोलीस करत असताना या प्रकरणाची चौकशी सीबीआयकडून व्हावी अशी मागणी जोर धरू लागली आहे. असं असताना महाराष्ट्राच्या माजी मुख्यमंत्र्याच्या पत्नी यांनी ‘मुंबई सुरक्षित नाही’ असं म्हणतं सुशांत सिंह राजपूत आत्महत्या प्रकरणावर ट्विट केलं आहे. या ट्विटला अभिनेत्री रेणुका शहाणे यांनी सणसणीत टोला लगावला आहे.

अभिनेत्री रेणुका शहाणे यांनी अमृता फडणवीस यांच्या ट्वीटचा समाचार घेत चांगलेच फटकारले आहे. रेणुका शहाणे म्हणाल्या की, सुशांतच्या मृत्यूचे राजकारण करु नये. जर देवेंद्र फडणवीस मुख्यमंत्री असताना अशी घटना घडली असती तर तेव्हा तुम्ही मुंबईबद्दल असं ट्वीट केलं नसतं, असा टोला रेणुका शहाणे यांनी अमृता फडणवीस यांना लगावला आहे. सुशांत सिंह राजपूत प्रकरणाची निपक्षपणे चौकशी झाली पाहिजे, या प्रकरणावर मीडिया आणि राजकारण्यांचा कोणताही दबाव असता कामा नये, असं मत रेणुका शहाणे यांनी व्यक्त केले आहे.

There is! If she were the CMs wife she wouldn’t make such a statement about Mumbai, whatever the circumstances. Remember Elphinstone bridge collapsing during @Dev_Fadnavis tenure? Many Mumbaikars died but she did not say anything about Mumbai not being safe or being heartless! https://t.co/78jUz6KheL

— Renuka Shahane (@renukash) August 4, 2020

रेणुका शहाणे कायमच घडामोडींवर आपलं मत व्यक्त करत असतात. सुशांतचा मृत्यू ही हत्या आहे की आत्महत्या असा देखील सवाल केला जात आहे? या सगळ्यावर रेणुका शहाणे आपलं मत व्यक्त केलं आहे. याच प्रकरणावर त्यांनी आदित्य ठाकरेंना देखील एक सवाल केला आहे. सुशांतच्या प्रकरणाची सीबीआय चौकशी व्हावी अशी मागणी सोशल मीडियावर जोर धरत आहे. याबाबत त्यांनी आदित्य ठाकरेंना सवाल केला आहे. सुशांतच्या आत्महत्येनंतर बॉलिवूडमधील ‘नेपोटीझम’ आणि ‘बॉलिवूड गँग’ या दोन्ही अधोरेखित झाल्या आहेत. याप्रकरणातील सत्य हे जगासमोर यायलाच हवं अशी मागणी जोर धरू लागली आहे.

You are right.The whole country wants to know the truth. First “Nepokids” were murderers, then “Bollywood gangs”, then mental health issues, the family has accused Rhea & her parents, now @AUThackeray is the culprit? Is this mudslinging getting us close to the truth? Ask yourself https://t.co/bSFAbbO6c6

— Renuka Shahane (@renukash) August 4, 2020

News English Summary: Actress Renuka Shahane has hit out at Amrita Fadnavis’ tweet. Renuka Shahane said that Sushant’s death should not be politicized. If such an incident had taken place when Devendra Fadnavis was the Chief Minister, then you would not have tweeted like this about Mumbai, said Renuka Shahane to Amrita Fadnavis.

News English Title: Sushant Singh Rajput Case Renuka Shahane On Amruta Fadnavis Mumbai Tweet News Latest Updates.