व्हिडिओवरून भाजपाला जाब विचारणे अत्यंत चुकीचे आणि खोडसाळपणाचे: चंद्रकांत पाटील

मुंबई: तान्हाजी चित्रपटाच्या दृश्यांचा वापर केलेला एक व्हिडिओ कोणीतरी पोलिटिकल कीडा नावाच्या ट्वीटर हँडलवरून पोस्ट करण्यात आला असला तरी त्याच्याशी भारतीय जनता पक्षाचा काहीही संबंध नाही. भारतीय जनता पक्ष त्या व्हिडिओचा दिल्ली विधानसभा निवडणुकीत वापरही करत नाही. भारतीय जनता पक्ष या व्हिडिओचा निषेध करत आहे. या व्हिडिओवरून भारतीय जनता पक्षाला जाब विचारणे अत्यंत चुकीचे आणि खोडसाळपणाचे आहे.

तान्हाजी चित्रपटाच्या दृश्यांचा वापर केलेला एक व्हिडिओ कोण्या पोलिटिकल कीडा नावाच्या ट्वीटर हँडलवरून पोस्ट करण्यात आला असला तरी त्याच्याशी भारतीय जनता पार्टीचा काहीही संबंध नाही. pic.twitter.com/5TQ5b4K2NU

— Chandrakant Patil (@ChDadaPatil) January 21, 2020

तानाजी चित्रपटाचा प्रोमो दाखवून त्यात छत्रपती शिवाजी महाराजांच्या जागी पंतप्रधान नरेंद्र मोदी आणि नरवीर तानाजी मालुसरे यांच्या जागी अमित शहांचा चेहरा दाखवलेला एक VIDEO समाज माध्यमांवर चर्चेचा विषय झाला होता. यावर शिवसेना, काँग्रेस, एनसीपी’सह अनेकांनी आक्षेप घेतल्याने अखेर हा व्हिडिओ यु-ट्यूब’वरून हटवण्यात आला आहे. पॉलिटिकल किडा नावाच्या ट्विटर हँडलवर दिल्ली निवडणुकांचे वारे लक्षात घेत हा पॅरडी व्हिडिओ शेअर करण्यात आला. या पोस्टशी आपला संबंध नाही, असं म्हणज भारतीय जनता पक्षानेही हात झटकले.

भाजपा त्या व्हिडिओचा दिल्ली विधानसभा निवडणुकीत वापरही करत नाही. भाजपा या व्हिडिओचा निषेध करत आहे. या व्हिडिओवरून भाजपाला जाब विचारणे अत्यंत चुकीचे आणि खोडसाळपणाचे आहे. छत्रपती शिवाजी महाराजांशी कोणाचीही तुलना होऊ शकत नाही.

— Chandrakant Patil (@ChDadaPatil) January 21, 2020

चंद्रकांत पाटील पुढे म्हणाले की, जे छत्रपती शिवाजी महाराजांच्या वंशजांना पुरावे मागतात त्यांना छत्रपतींच्या बाबतीत बोलायचा कोणताही नैतिक अधिकार उरलेला नाही. छत्रपती शिवाजी महाराजांच्या बाबतीत भारतीय जनता पक्षाची भूमिका स्पष्ट आहे. ते एक अद्वितीय ऐतिहासिक राजे होते आणि असे कर्तबगार राजे पुन्हा होणे नाही. त्यांच्या कर्तृत्वामुळे हिंदवी स्वराज्याची स्थापना झाली. त्यांच्याशी कोणाचीही तुलना होऊ शकत नाही. सध्या होत असलेला विरोध पाहता, य़ू टुब ने तो विवादात्मक व्हिडीओ हटवला आहे.

Web Title:  Asking question over Mophed video of Tanhaji to BJP is wrong says BJP State President Chandrakant Patil.