विमानतळं अदानी-अंबानींना विकल्याच्या अफवांवर बांगड्या फोडणाऱ्या चमच्यांनी इथे...

मुंबई, ३० ऑक्टोबर: आर्थिक तोट्यामुळे नुकसानीचा सामना करणाऱ्या राज्य परिवहन एसटी महामंडळ (Maharashtra State Road Transport Corporation)आपली मालमत्ता तारण ठेऊन बँकेकडून कर्ज घेण्याची तयारी सुरू केली आहे. पुढील सहा महिन्यांचे पगार आणि स्वेच्छा निवृत्तीसाठी लागणारे पैसे देण्यासाठी हा निर्णय घेतला जाणार आहे.

आर्थिक अडचणीचा सामना करणाऱ्या राज्य परिवहन महामंडळाने आता मोठे कर्ज घेण्याचा निर्णय घेणार आहे. महामंडळाची मुंबईसह मोठ्या शहरातील आगार आणि एसटीची मालमत्ता हजारो कोटींच्या घरात आहे. ही मालमत्ता तारण ठेवण्यात येणार आहे. त्या बदल्यात 2 हजार कोटींचं कर्ज घेतले जाणार असल्याची माहिती समोर आली आहे. या कर्जासाठी 20 कोटी रुपयांचा मासिक व्याज एसटीला द्यावा लागणार आहे.

यावरून आता भाजपा नेते आमदार अतुल भातखळकर यांनी टीका केली आहे. “वेतन, अन्य खर्च भागवण्यासाठी एसटी महामंडळ सुमारे दोन हजार कोटी रुपयांचे कर्ज काढणार. त्यासाठी एसटीचे काही आगार, बस स्थानके तारण ठेवण्यात येणार आहेत. लाल किल्ला आणि विमानतळं मोदी सरकारनं अदानी अंबानींना विकल्याच्या अफवांवर बांगड्या फोडणाऱ्या चमच्यांनी या बातमीवर मौन बाळगले आहे,” असं म्हणत भातखळकर यांनी सरकारला टोला लगावला. त्यांनी ट्विटरच्या माध्यमातून आपली प्रतिक्रिया दिली.

News English Summary: The ST Mahamandal will take out a loan of around Rs 2,000 crore to cover salaries and other expenses. For this, some ST Mahamandal  depots and bus stands will be pledged. The rumors that the Modi government has sold the Red Fort and the airport to Adani Ambani have been silenced by spoon-blowing bangles, ”said MLA Atul Bhatkhalkar. He gave his reaction via Twitter.

News English Title: BJP MLA Atul Bhatkhalkar Criticize Government State Transport 2 Thousand Crore Loan For Salary And Other Expenses News updates.

Disclaimer: म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.