केवळ सत्तेसाठी उद्धव ठाकरे हिंदुत्वाला विसरले: आ. प्रसाद लाड

मुंबई : राज्यात ठाकरे सरकार स्थापन झाल्यापसून शिवसेना – भारतीय जनता पक्षामधील यांच्यातील वाद अधिकच विकोपाला गेला आहे. तर दोन्ही पक्षातील नेते एकमेकांवर विविध मुद्यावरून टीका करण्याची कोणतेही संधी सोडत नाही. दरम्यान भारतीय जनता पक्षाचे आमदार प्रसाद लाड यांनी शिवसेनेला पक्षप्रमुख आणि मुख्यंमत्री उद्धव ठाकरे यांच्यावर हिंदुत्ववादाच्या मुद्यावरून निशाणा साधला आहे.

यावेळी पुढे बोलताना आमदार प्रसाद लाड म्हणाले की, स्वर्गीय प्रभोधनकार ठाकरे व हिंदुहृदयसम्राट बाळासाहेब ठाकरे ह्यांचा इतिहास सांगण्याची हिच ती वेळ आहे. तर “गर्व से काहो हम हिंदू हैं”, असे म्हणत त्यांनी हिंदुत्ववादाच्या मुद्यावरून उद्धव ठाकरे यांच्यावर टीका केली.

मा ना @AUThackeray जी सत्तेसाठी हिंदुत्व,स्वाभिमान, मराठी बाणा विसरलात..आता इतिहास विसरायला सांगताय. #हीचतीवेळ आहे स्व. प्रभोधनकार ठाकरे व हिंदुहृदयसम्राट वंदनीय बाळासाहेब ठाकरे ह्यांचा इतिहास सांगण्याचा “गर्व से काहो हम हिंदू हैं” #garvsekahohinduhai @ShivSena

— Prasad Lad (@PrasadLadInd) January 19, 2020

महाराष्ट्रात शिवसेनेने अगदी विरोधी विचारधारा असलेल्या राष्ट्रवादी आणि काँग्रेससोबत सत्ता स्थापन केल्यापासून शिवसेनेला खुल्या मनाने हिंदुत्वावर बोलणं अवघड झालं आहे. हिंदुत्व विषयावर जोर देऊन बोलल्यास काँग्रेस – राष्ट्रवादी नाराज होतील या विचाराने शिवसेना नेत्यांना एखाद्या विशिष्ट विषयावर बोलताना देखील अडचणी येत आहेत. त्याचाच धागा पकडून भारतीय जनता पक्षाचे नेते शिवसेनेला वारंवार कोंडीत पकडत असल्याचं दिसत आहे.

Web Title:  BJP MLA Prasada Lad criticized Shivsena over Hindutva issue.