मराठा आरक्षणाच्या न्यायालयीन लढाईत कुठेही कमी पडणार नाही - मुख्यमंत्री

मुंबई, १३ सप्टेंबर : मराठा समाजाच्या आरक्षणाच्या बाबतीत सरकार कुठेही कमी पडलेलं नाही. असं आज मुख्यमंत्री उद्धव ठाकरे यांनी म्हटलं आहे. आज मुख्यमंत्र्यांनी विविध मुद्द्यांवर जनतेशी संवाद साधला.

‘मराठा आरक्षणावर सर्व पक्षाने एकमताने मराठा समाजाच्या न्याय हक्कासाठी पाठिंबा दिला. उच्च न्यायालयात याला आव्हान दिलं ते आपण जिंकलो. सर्वोच्च न्यायालयात आता लढत आहोत. पहिल्या सरकारने जे वकील दिलेत ते बदलले नाहीत. वकील कमी न करता आणखी वकील वाढवत आहोत. सर्वोच्च न्यायालयात कुठेही कमी पडलेलो नाही. असं मुख्यमंत्री उद्धव ठाकरे यांनी म्हटलं आहे.

अन्यायाविरोधात लढा, आंदोलनं जरुर करा पण कधी? जर सरकार दाद देत नसेल तर मात्र इथे तर आपलं सरकार आहे. आम्ही तुमच्या न्याय हक्कांसाठी तुमच्या सोबतच आहोत. तेव्हा घाबरण्याचं, काळजीचं काहीही कारण नाही. मराठा समाजाने सरकारविरोधात मोर्चे काढू नयेत कारण आम्हाला तुमच्या न्याय आणि हक्कांच्या सगळ्या मागण्या मान्यच आहेत. दोन दिवसांपूर्वीही मी आश्वासन दिलं होतं की मराठा समाजाच्या न्याय हक्कांसाठी तसूभरही मागे हटणार नाही तेच आज या निमित्ताने पुन्हा देतो आहे असंही उद्धव ठाकरेंनी स्पष्ट केलं.

ही लढाई लढताना पहिल्या सरकारने जे वकील दिले ते आपण बदलून सर्वोत्तम वकील दिले आहेत. ज्यांनी सूचना दिल्या ते वकीलही आपण या प्रकरणी घेतले आहेत. कोणतंही राजकारण न करता विरोधी पक्षही मराठा समाजाच्या आरक्षणासाठी सरकारसोबत आहोत.

News English Summary: Maharashtra Chief Minister Uddhav Thackeray addressing people through a video conference, Uddhav said vested interest were trying to defame Maharashtra. Uddhav Thackeray, who spoke in Marathi, urged people to follow social distancing guidelines and wear mask amid coronavirus pandemic. “Whatever political storms come, I will face. I will fight coronavirus too,” he said.

News English Title: Chief Minister Uddhav Thackeray on Maratha reservation Marathi News LIVE latest updates.

Disclaimer: म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.