13 April 2021 6:36 PM
अँप डाउनलोड

तुमच्याकडून गरिबाला एका पैशाची मदत नाही, दुसरे करतात त्यांना तरी करु द्या - आ. राम कदम

MLA Ram Kadam, Actor Sonu Sood, MP Sanjay Raut, Migrants

मुंबई, ७ जून: सोनू सूदला पुढे करत ठाकरे सरकार अपयशी ठरवण्याचा प्रयत्न केला जातोय असं राऊत यांनी आपल्या लेखात म्हटलं आहे. “महाराष्ट्राला सामाजिक चळवळीची मोठी परंपरा आहे. यात महात्मा ज्योतिबा फुले यांच्यापासून ते बाबा आमटेंपर्यंत अनेकांची नावं आहेत, आता यामध्ये सोनू सूदचं नाव घेतलं जाईल. मजुरांना त्यांच्या घरी जाण्यासाठी मदत करताना सोनूची छायाचित्र, व्हिडीओ प्रसिद्ध झाले.

BhagyaVivah Marathi Matrimonial

सरकार मजुरांना पोहचवण्यात अपयशी ठरलं, पण सोनूसारखे महात्मा हे काम किती सहजतेने करत आहेत असा प्रचार समाजमाध्यमांमध्ये सुरु झाला. भारतीय जनता पक्षातील काही लोकांनी सोनूला दत्तक घेतले. त्याला पुढे ठेवून उत्तर भारतीय मजुरांत घुसण्याचा प्रयत्न झाला. खऱ्या कलाकाराला पडदाच लागतो असे नाही, हे ‘महात्मा’ सूद याने दाखवून दिले,” अशी खोचक टीका या सदरातून केली आहे.

दरम्यान, संजय राऊत यांच्या प्रतिक्रियेनंतर भारतीय जनता पक्षाकडून प्रतिक्रिया येण्यास सुरुवात झाली आहे. भाजपा आमदार राम कदम यांनी ट्विट करुन म्हटलं आहे की, स्वत:ही करायचं नाही. सोनू सूदसारखे लोक माणुसकीसाठी पुढे येऊन गोरगरिबांना मदत करत आहेत, त्यांचे कौतुक करायचं सोडून त्यांच्यावर शिवसेना नेते संजय राऊत टीका करत आहेत. हाच तुमचा माणुसकीचा धर्म आहे का? असा सवाल त्यांनी उपस्थित केला आहे.

तसेच संपूर्ण महाराष्ट्रात हॉस्पिटलमध्ये जागा शिल्लक नाहीत, म्हणून लोक घरी तडफडून मरता आहेत. प्रत्येक घरात उपासमार सुरु आहे. मात्र तुम्ही गरिबाला एका पैशाची अजून मदत केली नाही, दुसरे करतात त्यांना तरी तरी करु द्या. शिवसेना नेते संजय राऊत यांचे विधान दुर्दैवी आहे. स्वत:चं सरकार कोरोना नियंत्रणात आणण्यात अपयशी ठरलं आहे. हे खरं सोनू सूदवर आरोप केल्याने लपू शकणार नाही असा टोलाही राम कदम यांनी संजय राऊतांना लगावला आहे.

 

News English Summary: BJP MLA Ram Kadam has tweeted that he does not want to do it himself. People like Sonu Sood are coming forward for humanity and helping the poor, Shiv Sena leader Sanjay Raut is criticizing them instead of praising them. Is this your religion of humanity? He has raised such a question.

News English Title: corona virus BJP Shivsena clash over actor Sonu Sood MLA Ram Kadam criticism MP Sanjay Raut News Latest Updates.

हॅशटॅग्स

#CoronaCrisis(1270)

संबंधित बातम्या

राहुन गेलेल्या बातम्या

x