मुंबई महापालिका एल वॉर्डच्या आशीर्वादाने अनधिकृत बांधकाम? - सविस्तर वृत्त
मुंबई, २८ सप्टेंबर : असल्फा येथे अनधिकृत आणि धोकादायक बांधकाम करणाऱ्याविरूद्ध गुन्हा दाखल करण्याबाबत महापालिकेने साकीनाका पोलिसांना लेखी पत्र देऊन तब्बल दोन वर्षे उलटली तरी अद्याप पोलीस त्याकडे डोळेझाक करीत कोणतीही कारवाई करीत नसल्याचे उघडकीस आले आहे. याबाबत या भागातील अनेक सोसायटींनी पाठपुरावा करूनही पोलीस दाद देत नसल्याचा आरोप रहिवाशांकडून केला जात आहे. परेरावाडी, साईबाबा मंदिर समोर, पाईप लाईन, साकीनाका, मुंबई येथील अनधिकृत रित्या बांधण्यात आलेली आशीर्वाद धाम हौसिंग सोसायटी कोणाच्या आशीर्वादाने उभी राहिली आहे.
परेरावाडी येथे पाइपलाइन रोडवरील साईबाबा मंदिरासमोर अनधिकृत बांधकाम होत असल्याच्या तक्रारी दोन वर्षांपूर्वी करण्यात आल्याने महापालिका अधिकाऱ्यांनी या जागेची पाहणी केली होती. त्यावेळी याठिकाणी दुमजली बांधकामाच्या आत लोखंडी चॅनेल उभारण्यात आल्याचे निदर्शनास आले. अशा पद्धतीने बांधकाम करणे ही तांत्रिकदृष्ट्या अत्यंत चुकीची पद्धत असून या बांधकामामुळे आजूबाजूच्या उर्वरित बांधकामांना धोका निर्माण होण्याची शक्यता महापालिका अधिकाऱ्यांना आढळली.
त्यामुळे महापालिकेने २0 जुलै २0१८ रोजी काम थांबवण्याची अधिसूचना बांधकाम करणाऱ्यांना बजावली होती. मात्र तरीही बांधकाम थांबवण्यात न आल्याने ते बांधकाम आजूबाजूच्या बांधकामांवर कोसळून जीवित आणि वित्तहानी होण्याचा धोका निर्माण झाल्याने एल वॉर्डच्या सहायक आयुक्तांची परवानगी घेऊन हे बांधकाम करणाऱ्यांविरोधात योग्य कलमान्वये गुन्हा दाखल करावा, असे पत्र सहायक अभियंता (इमारत व कारखाने) यांनी ३१ जुलै २0१८ रोजी साकीनाका पोलीस ठाण्याच्या वरीष्ठ निरीक्षकांना दिले होते.
पोलिसांनी तेव्हापासून वेगवेगळी आणि न पटणारी कारणे देत महापालिकेच्या पत्राला केराची टोपली दाखवल्याची तक्रार या भागातील रहिवाशांनी केली आहे. महापालिकेने पोलिसांना दिलेल्या पत्रानंतर या भागातील शिवशक्ती को. ऑप. हाऊसिंग सोसायटीने महापालिका आणि साकीनाका पोलीस ठाण्याला दिले होते. त्याचप्रमाणे पितृस्मृती को- ऑप हाऊसिंग सोसायटीनेही महापालिका आयुक्तांना पत्र पाठवून या इमारतीत भूमिगत तळघर बांधताना आजूबाजूच्या घरांना भेगा गेल्याचे निदर्शनास आणून तेथे सिलिंडरसारख्या ज्वालाग्राही वस्तूंचा साठा करण्यात आल्याने या धोकादायक प्रकाराबाबत कारवाई करण्याची मागणी केली आहे.
याच परिसरात मध्यंतरी एका अनधिकृत बांधकामात गॅस सिलेंडरच्या भीषण स्फोटाने अनेकांचा मृत्यू झाला होता आणि त्याची झळ बाजूलाच असलेल्या शाळेला देखील लागल्याने अनेक निष्पाप मुलांचा मृत्यू झाला होता. विशेष म्हणजे गेल्याच आठवड्यात कंगना रानौतच्या बांधकामावर हातोडा मारणाऱ्या महापालिकेच्या तत्पर यंत्रणेला मुंबई उच्च न्यायालयाने झापले होते. मात्र याच साकीनाक्यातील अनधिकृत बांधकामावरून स्थानिक जागृत लोकांनी महापालिका प्रशासनाला वारंवार सतर्क करून देखील संबंधित तक्रारीकडे कानाडोळा होतं असल्याने लोकांना महापालिका एल वॉर्ड मधील अधिकाऱ्यांची आणि स्थानिक पोलीस प्रशासनाची मिलीभगत असल्याची शंका येऊ लागली आहे.
अनधिकृत बांधकाम: परेरावाडी, साईबाबा मंदिर समोर, पाईप लाईन, साकीनाका, मुंबई येथील अनधिकृत रित्या बांधण्यात आलेली आशीर्वाद धाम हौसिंग सोसायटी कोणाच्या आशीर्वादाने उभी राहिली आहे?@mybmc @CPMumbaiPolice @CMOMaharashtra @KishoriPednekar @BMC @mybmcWardL pic.twitter.com/r3NIoprLNj
— महाराष्ट्रनामा न्यूज (@MahaNewsConnect) September 28, 2020
News English Summary: Two years after the Municipal Corporation of India (MCI) filed a written complaint with the Sakinaka police against the unauthorized and dangerous builders at Asalfa, it has been revealed that the police have not turned a blind eye to it. Residents are alleging that the police are not appreciating this despite following up by many societies in the area.
News English Title: Illegal construction at Saki Naka under Mumbai BMC L Ward Marathi News LIVE latest updates.
संबंधित बातम्या
व्हिडिओ
- VIDEO | सोमैयांच्या भंपक आरोपांचा इतिहास | ५'वी दिवाळी आली तरी अजित पवार-तटकरे बाहेरच
- VIDEO | अमेरिकेत बायडन तर महाराष्ट्रात पवार यांची पावसातील सभा | पहा..
- VIDEO | जलयुक्त शिवार योजना | फडणवीसांची फिरवाफिरवी | राज ठाकरेंकडून वास्तव
- पेट्रोल डिझेलचे भाव गगनाला भिडले तरी मोदी गप्प?
- कोरोना रुग्णांच्या आरोग्य सेवांवरून राज्य सरकार गोधळलंय
- महाराष्ट्रनामा कोरोना डॅशबोर्ड
- महाराष्ट्र...कोरोना रुग्ण...बेड्स...राज्य सरकारचं वास्तव उघड
- सोनू सूद लॉकडाउन दरम्यानचा खरंच देव आहे? जाणून घ्या सत्य
- सरकारने पोलिसांवरील उपचारासाठी मरोळ PTS ताब्यात घ्यावं
राहुन गेलेल्या बातम्या
- Mastek Share Price | 40 रुपयाच्या शेअरची कमाल! तब्बल 4000 टक्के परतावा दिला, आता एका दिवसात 20% वाढला
- Gold Rate Today | बापरे! लग्नासराईच्या दिवसातही सोनं खरेदी करणं परवडणार नाही, लवकरच 1 लाख रुपये तोळा होणार
- Numerology Horoscope | 19 एप्रिल 2024 | तुमची जन्म तारीख किती? अंकज्योतिष शास्त्र सांगेल तुमचा शुक्रवारचा दिवस कसा असेल
- Talbros Auto Share Price | टॅलब्रोस कंपनीची ओरडारबुक मजबूत होताच शेअर्स तेजीत, 2 दिवसात 10 टक्के परतावा
- Numerology Horoscope | 17 एप्रिल 2024 | तुमची जन्म तारीख किती? अंकज्योतिष शास्त्र सांगेल तुमचा बुधवारचा दिवस कसा असेल
- Stocks in Focus | मार्ग श्रीमंतीचा! हे टॉप 5 बँकिंग शेअर्स तुम्हाला अल्पावधीत 38 टक्केपर्यंत परतावा देतील, संधी सोडू नका
- Reliance Power Share Price | अवघ्या 4 वर्षात 2325 टक्के परतावा दिला, शेअर प्राईस 26 रुपये, पुढे तेजी येणार का?
- Reliance Infra Share Price | 2 दिवसात रिलायन्स इन्फ्रा शेअर 36 टक्के घसरला, पण स्टॉकला 'या' प्राईसवर सपोर्ट
- Numerology Horoscope | 16 एप्रिल 2024 | तुमची जन्म तारीख किती? अंकज्योतिष शास्त्र सांगेल तुमचा मंगळवारचा दिवस कसा असेल
- KPI Green Energy Share Price | अवघ्या 6 महिन्यात 209% परतावा देणारा शेअर वेळीच खरेदी करा, मोठा फायदा होईल