भाजपच्या बेकारांकडे सध्या खिजवणे, चिडवणे, टिंगलटवाळी एवढेच काम: अनिल परब

मुंबई: सध्या भारतीय जनता पक्ष आणि शिवसेना नेत्यांमध्ये मुंबईतील नाईटलाईफ’वरून जोरदार टीका टिकण्या सुरु झाल्याचं चित्र पाहायला मिळत आहे. त्यात भारतीय जनता पक्षातील नेत्यांनी थेट पर्यावरण मंत्री आदित्य ठाकरे यांना लक्ष केल्याने शिवसेनेतील नेते मंडळी आक्रमक झाल्याचं पाहायला मिळत आहे. त्यात भारतीय जनता पक्षाचे आमदार आशिष शेलार सर्वात अग्रणी असल्याने परिवहन मंत्री अनिल मंत्री एकूणच भारतीय जनता पक्षाच्या नेत्यांवर बोचरी टीका केली आहे.

आशिष शेलार यांनी आदित्य ठाकरे यांच्यावर टीका करताना बालहट्ट नावाने अनेक टिपण्या केल्या असून त्यात त्यांनी नाईट लाईफच्या निर्णयावर सडकून टीका केल्याचं पाहायला मिळत आहे. भारतीय जनता पक्षाच्या अनेक नेत्यांनी या निर्णयाचा निषेध करत भविष्याबाबत प्रश्न चिन्ह उपस्थित केले आहेत. त्यात सध्या सामान्य मुंबईकरांकडून या निर्णयाला प्रतिसाद मिळताना दिसत नाही.

दरम्यान आमदार आशीष शेलार यांच्या टीकेला प्रतिउत्तर देताना परिवहन मंत्री अनिल परब म्हणाले की, आशिष शेलार यांना सध्या काही काम नाही. संपूर्ण भारतीय जनता पक्ष बेकार आहे. त्यामुळे खिजवणे, चिडवणे, टिंगलटवाळी करणे एवढेच काम त्यांना शिल्लक राहिले आहे, अशी बोचरी टीका त्यांनी केली. ज्या गोष्टी समजत नाहीत त्यावर त्यांनी बोलू नये, असा सल्ला देखील अनिल परब यांनी शेलार यांना दिला आहे.

शरद पवार हेच आपले गुरू असल्याचे पंतप्रधान नरेंद्र मोदी यांनीही मान्य केले आहे. मग मोदी बोलतात ते शरद पवार यांच्या मनातील बोलतायत का, हे त्यांनी स्पष्ट करावे. शेलारांच्या विस्तवात ताकदच नाही की ज्याने आग पेटेल, असा जोरदार टोलाही परब यांनी यावेळी लगावला. कोरेगाव भीमाप्रश्नी कायदेशीर प्रक्रिया सुरू असल्याने त्याविषयी वक्तव्य करणे योग्य ठरणार नाही, असेही परब म्हणाले.

Web Title:  Minister Anil Parab criticized BJP MLA Ashish Shelar over current politics.