वृक्षतोडूवरून सेनेवर कमिशनचा आरोप; पण फडणवीस सरकारच्या आरे वृक्षतोडीवरच भ्रष्टाचाराचं वलय?

मुंबई: मुंबई मेट्रोच्या कारशेडसाठी आरेमध्ये ऑक्टोबरच्या पहिल्या आठवड्यात एकूण २०११ झाडं तोडण्यात आली. मात्र त्यासाठी फडणवीस सरकारने तब्बल २ कोटी ७० लाख १६ हजार ८९८ रुपयांचा खर्च आल्याची माहिती माहितीच्या अधिकारात उघड झाली आहे. म्हणजे सदर आकडेवारीनुसार एक झाड तोडण्यासाठी एकूण १३, ४३४ रुपये एकदा खर्च करण्यात आला होता. आरटीआय कार्यकर्ते कार्यकर्ते आनंद भंडारे यांनी आरेतील वृक्षतोडीसाठी नेमका किती खर्च करण्यात आला, याबद्दलची सविस्तर विचारणा माहिती अधिकाराच्या माध्यमातून एमएमआरसीएलकडे केली होती. त्यानंतर सदर धक्कादायक आकडेवारी समोर आली आहे.

सदर वृक्षतोडीला पर्यावरणप्रेमींचा आणि जागृत मुंबईकरांच्या कडाडून विरोध होता. त्यात मुंबई उच्च न्यायालयाच्या निकालानंतर संबंधित याचिकाकर्ते सर्वोच्च न्यायालयात जाण्यापूर्वीच मध्यरात्री अचानक झाडांची कत्तल करण्यात आल्यानं पर्यावरणप्रेमींनी सरकारला धारेवर धरलं होतं आणि शहरात मोठं तणावाचं वातावरण झाल्याने कर्फ्यू देखील लावण्यात आला होता. सरकारे गुप्तता पाळल्याने या वृक्षतोडीसंदर्भातील खर्चाची सविस्तर माहिती भंडारेंनी एमएमआरसीएलकडे मागितली होती. प्राप्त झालेल्या माहितीनुसार, ३ दिवसांमध्ये तोडलेल्या २,०११ झाडांसाठी तब्बल २ कोटी ७० लाख १६ हजार ८९८ रुपयांचा खर्च आल्याची आकडेवारी भंडारेंना एमएमआरसीएलनं दिली. त्यामुळे या वृक्षतोडीमध्ये देखील घोटाळा झाला असल्याची चर्चा पर्यावरण प्रेमींमध्ये रंगली आहे आणि त्यात सदर माहिती देण्यात देखील सदर यंत्रणेने नियमापेक्षा अधिक काळ घेतल्याने संशय अधिक बळावला आहे.

तत्पूर्वी औरंगाबादमध्ये शिवसेनाप्रमुख बाळासाहेब ठाकरे यांच्या स्मारकासाठी एक हजार झाडं तोडणार असल्याची माहिती समोर आली होती. त्यावरून बराच गोंधळ सुरू झाला होता. अनेकांनी सोशल मीडियातून यावर प्रश्न उपस्थित केले होते. याच मुद्यावरून विरोधी पक्षनेते देवेंद्र फडणवीस यांच्या पत्नी अमृता फडणवीस यांनी शिवसेनेवर बोचरी टीका केली होती.

अमृता फडणवीस यांनी औरंगाबादमधील वृक्षतोडीकडे लक्ष वेधून शिवसेनेचं वृक्ष प्रेम बेगडी असल्याचं दाखवण्याचा प्रयत्न केला होता. औरंगाबादच्या प्रियदर्शनी उद्यानात १७ एकर जागेवर बाळासाहेब ठाकरे यांचं स्मारक होणार आहे. त्यासाठी ६४ कोटींची निविदा प्रक्रिया विचाराधीन आहे. या स्मारकासाठी शासनाकडून ५ कोटी रुपये देण्यात आले आहेत. या स्मारकाच्या आड एक हजार झाडं येत असल्याने ही झाडं तोडण्यात येणार असल्याची समोर आल्याने अमृता फडणवीस यांनी ट्विटकरत ठाकरे सरकारवर आणि शिवसेनेवर कमिशनचे आरोप केले होते.

अमृता फडणवीस यांनी ट्वीट करुन शिवसेनेवर बोचऱ्या शब्दांमध्ये टीका केली होती. औरंगाबाद येथे दिवंगत नेते शिवसेनाप्रमुख बाळासाहेब ठाकरे यांचं स्मारक होत आहे. त्यासाठी, शिवसेना १ हजार झाडं तोडणार आहे. त्यावरुन Get Well Soon शिवसेना असे म्हणत अमृता फडणवीस यांनी शिवसेनेवर टीका केली आहे. हे फक्त कमिशनसाठी सुरू आहे. शिवसेनेचा ढोंगीपणा यातून समोर येतो असंही त्यांनी आपल्या ट्विटमध्ये म्हटल होतं.

‘Hypocrisy is a disease ! Get well soon @ShivSena ‘ ! Tree cutting – at ur convenience or allowing tree cutting only when you earn commission – unpardonable sins !! pic.twitter.com/7f68PWPIbA

— AMRUTA FADNAVIS (@fadnavis_amruta) December 8, 2019

दरम्यान, अमृता फडणवीस यांच्या टीकेला शिवसेनेच्या प्रवक्त्या प्रियंका चतुर्वेदी यांनी ट्विटरच्याच माध्यमातून सडेतोड प्रतिउत्तर दिलं होतं. ‘सॉरी, तुमचा अपेक्षाभंग झाला. पण एकही झाड कापलं जाणार नाही, हे सत्य आहे. महापौरांनीही याला दुजोरा दिला आहे. रेटून खोटं बोलणं हा मोठा रोग आहे. गेट वेल सून,’ असा टोला प्रियंका यांनी अमृता फडणवीस यांना लगावला होता. मात्र आता मुंबईतील आरे कॉलनीत झालेल्या वृक्षतोडीसंदर्भातील आरटीआय अंतर्गत माहितीवरून अमृता फडणवीसच कात्रीत सापडल्या आहेत असंच म्हणावं लागेल.

Ma’am, sorry to disappoint you but the truth is that not a single tree will be cut for the memorial, mayor has confirmed it too.
Also, just to be clear, compulsive lying is a bigger disease, get well soon
PS: Commission to cut trees is a new policy measure promoted by @bjpmaha ? https://t.co/yfoubeVRzL

— Priyanka Chaturvedi (@priyankac19) December 8, 2019

Web Title:  Two crore 70 lakh Rupees Spend Tree Mumbai Aarey Colony Metro Carshed Sutting Reveals Under RTI