हे मंत्री दुपारचे झोपा काढतात, अजित पवारांची बापटांवर टीका

पुणे : राष्ट्रवादीचे नेते आणि माजी उपमुख्यमंत्री अजित पवार यांनी पुण्याचे पालकमंत्री गिरीश बापट आणि मंत्र्यांवर सडकून टीका केली. हे असले मंत्री या वयात काय बोलावे ते कळत नाही अशा आमदाराला येथून निवडून दिले आहे. हे मंत्री दुपारचे झोपा काढतात, अशी अप्रत्यक्ष बोचरी टीका अजित पवार यांनी पुण्याचे पालकमंत्री गिरीश बापट यांच्यावर कसबा विधानसभा मतदारसंघातीळ राष्ट्रवादीच्या मेळाव्यात केली.

गिरीश बापट आमदार असलेल्या कसबा विधानसभा मतदारसंघात राष्ट्रवादीचा मेळावा पार पडला. पुणे महानगरपालिकेचे माजी उपमहापौर दीपक मानकर यांनी शक्तिप्रदर्शन करण्यासाठी येथे राष्ट्रवादीचा मेळावा आयोजित केला होता. उपस्थित राष्ट्रवादीच्या नेत्यांनी सुद्धा एकमेकांवर स्तुतीसुमन उधळत मागील रुसवे फुगवे बाजूला सारत एकत्र आल्याने कार्यकर्त्यांमध्ये होकारात्मक संदेश देण्यात आला. हा जमलेला जनसमुदाय पाहून पालकमंत्री गिरीश बापट यांची झोप उडेल असं वंदना चव्हाण उपस्थितांना संबोधित करताना म्हणाल्या.

अजित पवार यांनी सुद्धा भाषणादरम्यान गिरीश बापट यांना चांगलच फैलावर घेतलं. त्यांच्यावर बोचरी टीका करताना अजित पवार म्हणाले की, या वयात काय बोलावे ते कळत नाही अशा आमदाराला येथून निवडून दिले आहे. भाजपच्या पुणे महापालिकेतील कारभारावर अजित पवारांनी तुफान टीका केली. पुणे महापालिकेतील भाजप तोडपाणी करतात, तसेच बाजपचे आताचे मंत्री मला विचारतात, अजित दादा हे अधिकारी जसं तुमचं ऐकायचे तस आमचे ऐकत नाहीत. तुम्ही असं काय करायचे की ज्यामुळे सरकारी प्रशासकीय अधिकारी तुमचेएकायचे?. मी त्यांना सांगायची की, त्याला धमक लागते. परंतु आताचे राज्यकर्ते दुपारी झोपतात. सध्याच्या मंत्र्यांचे कोणी ऐकत नाही,“अशी टीका त्यांनी केली.

Disclaimer: म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.