कार्यक्रम दिव्यांगांचा आणि केंद्रीय मंत्री बाबुल सुप्रियो यांच्या संवादात 'पाय तोडण्याची' भाषा

नवी दिल्ली : पश्चिम बंगालमधील दिव्यांगांच्या कार्यक्रमा दरम्यान प्रमुख पाहुणे म्हणून उपस्थित असलेल्या केंद्रीय मंत्री बाबुल सुप्रियो यांनी एका व्यक्तीसोबत संवादादरम्यान थेट ‘पाय तोडण्याची’ भाषा वापरल्याने सर्वच उपस्थितांना धक्का बसला. यापूर्वी सुद्धा अनेक वेळा विवादित भाष्य केल्यामुळे प्रसार माध्यमांनी त्यांना धारेवर धरलं होत.

पश्चिम बंगालमधील दिव्यांगांच्या कार्यक्रमा दरम्यान प्रमुख पाहुणे म्हणून उपस्थित असलेल्या केंद्रीय मंत्री बाबुल सुप्रियो यांच्या हस्ते दिव्यांगांना व्हीलचेअर तसंच अन्य साहित्य वाटप होणार होत. तेव्हा उपस्थितांशी संवाद साधण्यासाठी उभे राहिले असता, त्यांनी समूहातील एका व्यक्तीला बाजूला उभं राहण्याच्या सूचना देताना हे विधान केलं आहे.

या कार्यक्रमादरम्यान ते संवाद साधत असताना उपस्थितांमधील एक व्यक्ती सतत हालचाल करत होता. त्याच्या सततच्या हालचाली करण्यावर नाराजी व्यक्त करत केंद्रीय मंत्री बाबुल सुप्रियो यांनी भर कार्यक्रमात त्याला चक्क ‘पाय तोडण्याची’ धमकी दिली. असं असाल तरी बेताल आणि वादग्रस्त विधाने करण्याची बाबुल सुप्रियो यांची ही पहिलीच वेळ नाहीय. आधी सुद्धा त्यांनी अनेकदा आक्षेपार्ह विधान केल्यानं चर्चेत राहिले आहेत.

What happened to you? Any problem? I can break one of your legs: Union Minister Babul Supriyo to a man during a program for differently abled people at Nazrul Manch in Asansol #WestBengal pic.twitter.com/cFxpF7K6Pn

— ANI (@ANI) September 18, 2018