नवी दिल्ली : कालच भाजपाचे दिल्लीचे प्रवक्ते तेजिंदरपाल सिंग बग्गा यांनी दिल्लीतील अनेक ठिकाणी माजी पंतप्रधान दिवंगत राजीव गांधी हे जमावाकडून होणाऱ्या हत्येचे जनक म्हणजे ‘फादर ऑफ द मॉब लिचिंग’ असल्याचे फलक लावले होते. परंतु काँग्रेसने त्यांना समंजस आणि सडेतोड उत्तर दिलं आहे.

काँग्रेसने सुद्धा माजी पंतप्रधान दिवंगत अटल बिहारी वाजपेयी यांच्या मृत्यूनंतर होर्डिंग लावले होते. त्याला उजाळा देत भाजपच्या दिल्लीतील पोश्टरबाजीला नम्र तसेच सडेतोड प्रतिउत्तर दिलं आहे. काँग्रेसने एक पोश्टर ट्विट करत भाजपच्या राजकारणाची खरडपट्टी काढली आहे. या ट्विट मध्ये काँग्रेसने काँग्रेसने त्यांचा एक पोश्टर शेअर करत त्याची तुलना काँग्रेसच्या कालच्या दिल्लीतील पोश्टरबाजीशी केली आहे.

त्यात म्हटलं आहे की, ‘प्रिय भाजपा, काँग्रेस आणि तुमच्यातील अंतर पाहा. आणखी काही काळ वाट पाहा. जनता तुमच्या अहंकार आणि द्वेषाला लवकरच उत्तर देईल, हा संस्कारांचा फरक आहे’, असे काँग्रेसचे प्रवक्ते प्रणव झा यांनी म्हटले. त्यात अजून भर म्हणजे काँग्रेस प्रवक्त्या प्रियंका चतुर्वेदी यांनी ट्विट करून म्हटलं आहे की, देशातील २००२ च्या दंगलीवेळी काही खास करू न शकलेल्या त्या दिवंगत पंतप्रधानांना श्रद्धांजली देण्याचे काँग्रेसवर संस्कार आहेत. परंतु भाजपच्या कार्यालयाबाहेर देशासाठी प्राण देणाऱ्या दिवंगत पंतप्रधानाबाबत तिरस्कारात्मक पोस्टर लावण्यात आल्याने, यातून भाजपची तुच्छ मानसिकता दिसून येते, अशी बोचरी टीका त्यांनी केली.

Congress party has given answer to BJP over Delhi hording politics