खासदारांनो ग्रामीण विकास काय असतो पाहण्यासाठी बारामतीला भेट द्या

बारामती : खासदारांनो ग्रामीण विकास काय असतो पाहण्यासाठी बारामतीला भेट द्या असं भारताचे उपराष्ट्रपती वेंकय्या नायडू हे शरद पवार यांच्या बारामतीतील विकास कामांची स्तुती करताना म्हणाले.

उपराष्ट्रपती वेंकय्या नायडू यांनी बारामतीला भेट दिली. त्यावेळी त्यांनी विद्या प्रतिष्ठान येथे पत्रकारांशी संवाद साधला असताना ही स्तुती केली. शरद पवारांच्या बारामती मतदारसंघातील कृषी विज्ञान केंद्र हे भारतासाठी एक रोल मॉडेल असल्याचे वेंकय्या नायडू म्हणाले.

याच कृषी विज्ञान केंद्राचे शेतकऱ्यांसाठी कायम सुरु असलेले काम खरोखरच उल्लेखनीय असल्याचं ते म्हणाले. अशा आधुनिक तंत्रज्ञानाच्या माध्यमातूनच शेतकऱ्यांचा खऱ्याअर्थाने सर्वांगीण विकास साधता येतो असं ते म्हणाले.