आता डान्सबार सुरु झाल्याने छोटा पेंग्विन खूश असेल: नीलेश राणे

रत्नागिरी : युवासेना अध्यक्ष आदित्य ठाकरेंनी मुंबई नाइट लाइफची मागणी देवाकडे इतकी मनापासून केली की डान्स बार पुन्हा चालू झाले, अशी बोचरी टीका करत माजी खासदार निलेश राणे यांनी आदित्य ठाकरेंवर निशाणा साधला आहे.

सर्वोच्च न्यायालयाने महाराष्ट्रात डान्सबार सुरु करण्याचा कायदेशीर मार्ग मोकळा केला असतानाच महाराष्ट्र स्वाभिमान पक्षाचे नेते आणि माजी खासदार नीलेश राणे यांनी पुन्हा एकदा शिवसेनेला लक्ष्य करण्यास सुरुवात केली आहे. मुंबईमध्ये नाईटलाईफ’ची आदित्य ठाकरेंची जुनी मागणी आणि त्याचा धागा पकडून निलेश राणेंनी ट्विट केले आहे आणि त्याला समाज माध्यमांवर खूप प्रतिसाद मिळत आहे.

काही दिवसांपूर्वी त्यांनी शिवसेनेला लक्ष्य करत आनंद दिघे यांच्या मृत्यूसंदर्भात वादग्रस्त विधान केल्याने शिवसैनिकांनी अनेक ठिकाणी त्यांचे पुतळेही जाळले होते. त्यानंतर शिवसैनिकांना थेट आवाहन देत पुतळे कसले जळता, हिम्मत असेल तर समोर या आणि परत जाऊन दाखवा असे खुले आवाहन केले होते. त्यानंतर कालच्या डान्स बार आणि नाईट लाईफचा संदर्भ जोडत त्यांनी आदित्य ठाकरेंना लक्ष केले आहे.

काय म्हटलं आहे त्यांनी ट्विट करत?

छोटा पेंग्विन खुश असेल, त्याच्या मुंबई नाईट लाइफ ची मागणी त्यानी देवा कडे इतकी मनापासून केली की डान्स बार चालू झाले.

— Nilesh N Rane (@meNeeleshNRane) January 17, 2019