क्रिकेटपटू गौतम गंभीरची दिल्ली लोकसभा निवडणुकीसाठी भाजप'मध्ये फिल्डिंग?

नवी दिल्ली : भारतीय क्रिकेट टीम’मध्ये ओपनिंग करणारा गौतम गंभीर सध्या नवी खेळी करण्याच्या तयारीत असून, तो दिल्ली लोकसभा निवडणुकीसाठी भाजप’मध्ये फिल्डिंग लावत असल्याचे समजते. मागील अनेक दिवसांपासून तो क्रिकेटपासून दुरावला असून सध्या राजकारणात प्रवेश करणार असल्याच्या बातम्या येत आहेत.

दिल्लीतील सत्तेची चावी सध्या आम आदमी पक्षाकडे असल्याने भाजप सुद्धा २०१९ साठी प्रसिद्ध चेहरे शोधून त्यांना निवडणुकीच्या आखाड्यात उतरविण्याची तयारी करत आहे. त्यासाठी त्यांनी भारतीय टीमचा माजी सलामीवीर फलंदाज गौतम गंभीर याची निवड केल्याचे समजते. भाजप त्याला लवकरच मोठी जवाबदारी सोपवलं असं समजत.

सध्या राजकारणात अनेक खेळाडूंना रस आल्याचे दिसत असून त्यात अनेकांनी तर थेट केंद्रात आणि राज्यात मंत्रिपद सुद्धा मिळवली आहेत असं चित्र आहे. मुख्य म्हणजे नुकतच पाकिस्तानच्या पंतप्रधानपदी तिथलाच एक माजी क्रिकेटपटू इम्रान खान विराजमान झाल्याने अजून अनेक भारतीय खेळाडू तसेच क्रिकेटपटू अचानक राजकारणात प्रवेश घेतील अशी शक्यता आहे.