माजी अर्थमंत्री पी. चिदंबरम यांचे पुत्र कीर्ती CBI च्या अटकेत.

चेन्नई : आयएनएक्स मीडिया प्रकरणी आर्थिक व्यवहार प्रकरणी काँग्रेसचे जेष्ठ नेते आणि माजी अर्थमंत्री पी. चिदंबरम यांचे पुत्र कीर्ती यांना आज सीबीआयने चेन्नई विमानतळावरच अटक केली.

कीर्ती यांनी आयएनएक्स मीडिया प्रकरणी संशयास्पद आर्थिक व्यवहार केल्याचा त्यांच्यावर आरोप असून त्यांच्यावर गेल्यावर्षी गुन्हा दाखल करण्यात आला होता. यूपीए सरकारच्या काळात २००७ मध्ये कीर्ती यांचे वडील म्हणजे पी. चिंदंबरम हे अर्थमंत्री असताना आयएनएक्स मीडियामध्ये ३०० कोटीची परकीय गुंतवणूक करताना त्यासाठी लागणाऱ्या परवानगी घेताना गैरव्यवहार झाल्याचा कीर्ती यांच्यावर आरोप आहे.

कीर्ती काही दिवस लंडनला होते, आज ते भारतात परतले आणि त्यांना चेन्नई विमानतळावरच सीबीआयने अटक केली असून त्याची विमानतळावरच चौकशी करण्यात आली आणि पुढील तपास करण्यासाठी त्यांना दिल्लीला नेलं जाणारा असल्याचे सीबीआयच्या सूत्रांनी प्रसारमाध्यमांना कळवले.

Karti Chidambaram at Chennai Airport, he was taken into custody by CBI over INX media case. pic.twitter.com/tyOf2Spfnb

— ANI (@ANI) February 28, 2018