26 September 2020 8:54 PM
अँप डाउनलोड

अडवाणींनंतर कोण? त्यांच्या योजना काँग्रेस आणि भाजपातील वरिष्ठांविरुद्ध देखील?

Narendra Modi, Amit Shah, BJP, Loksabha Election

नवी दिल्ली : कालच भाजपने त्यांच्या उमेदवारांची पहिली यादी जाहीर केली आणि त्यात पक्षाचे वरिष्ठ नेते आणि खासदार लालकृष्ण अडवाणी यांना गांधीनगर लोकसभेतून उमेदवारी न देता थेट अमित शहांना उमेदवारी देण्यात आली आहे. त्यानंतर समाज माध्यमांवर मोठ्या प्रमाणावर टीका करण्यात येत असून अडवाणी नंतर कोणाचे नंबर असे प्रश्न उपस्थित केले जात आहेत. त्यासाठी मोदी आणि अमित शहा जोडीचे जुने फोटो देखील व्हायरल केले जात आहेत.

BhagyaVivah Marathi Matrimonial

दरम्यान, जर पुन्हा भाजप सत्तेवर आल्यास थेट राजनाथ सिंग यांचा पत्ता कट करून त्यांची जागा आणि मंत्रालय देखील अमित शहांना देण्यात येईल अशी चर्चा सुरु झाली आहे. सुषमा स्वराज यादेखील २०१३ मध्ये पंतप्रधान पदाच्या स्पर्धेत होत्या, परंतु त्यांना देखील केवळ ५ वर्ष परराष्ट्र व्यवहार मंत्रालय देऊन शांत करण्यात आलं. परंतु भविष्य काय आहे हे सुषमा स्वराज यांनी अचूक ओळखलं आणि अपमान होण्यापूर्वीच स्वतःच्या आजारपणाची कारणं पुढे करून मी पुढील लोकसभा निवडणूक लढवणार नाही अशी घोषणा मध्य प्रदेशाच्या दौऱ्यावर असताना केली होती.

दरम्यान, मागील काही महिन्यांपासून नितीन गडकरी निकालानंतर देशाचे पंतप्रधान होतील अशा बातम्या झळकत आहेत. त्यांची प्रतिमा स्वच्छ आणि कर्तृत्ववान नेते अशी असल्याने गुजरात लॉबी त्यांच्या विरुद्ध सक्रिय होण्याची शक्यता नाकारता येत नाही. विशेष म्हणजे २०१३ पर्यंत केंद्रात काहीच वजन नसणारे मोदी आणि अमित शहा यांचे पूर्वीचे फोटो समाज माध्यमांवर मोठ्या प्रमाणावर व्हायरल केले जात आहेत. मोदी आणि अमित शहा यांची भाजपमधील एकूण रणनीती पाहिल्यास ते भाजपचे सर्वेसेवा बनण्याच्या दिशेने जात आहेत आणि त्याचा प्रत्यय २०१९ मधील निकाल भाजपच्या बाजूने लावल्यास काही दिवसातच येऊ शकतो.

त्यामुळे एकूणच भाजपमधील सर्व वरिष्ठ नेत्यांची फळी उध्वस्त करून गुजरातमधील अमित शहा, पियुष गोयल आणि गुजरातमधील इतर विद्यमान मंत्र्यांना केंद्रात ओढून एकछत्री कार्यक्रम राबवला जाऊ शकतो, अशी चर्चा समाज माध्यमांवर रंगली आहे. त्यामुळे पुढे अजून काय होणार ते पाहावं लागणार आहे.

महत्वाची सूचना: कोरोना आपत्तीत सतर्क राहणं कधीही चांगलं आणि त्यासाठीच आपत्कालीन परिस्थितीत सर्व माहिती देणारं अँप सोबत असणं देखील गरजेचं आहे. म्हणून आत्ताच डाउनलोड करा... महाराष्ट्रनामा कोरोना डॅशबोर्ड.

Download App Now
Download Corona Dashboard App

संबंधित बातम्या

राहुन गेलेल्या बातम्या

x