नवी दिल्ली : आगामी लोकसभा निवडणुका जशा भाजपसाठी महत्वाच्या आहेत, तशाच त्या विरोधी पक्षांसाठी खूप महत्वाच्या आहेत. त्याचाच भाग म्हणून सर्वच पक्ष अनेक राजकीय गणित मांडताना दिसत आहेत. सध्याच्या राजकीय वातावरणाचा कल हा भाजप विरोधी होऊ लागला आहे आणि त्यानिमित्ताने राष्ट्रवादीचे सर्वेसेवा शरद पवार आणि बसपाच्या सर्वेसेवा मायावतींमध्ये जवळपास दीड तास राजकीय चर्चा झाल्याचे वृत्त आहे.
आगामी निवडणुकीत विरोधी पक्षांची एकजूट हे या भेटीमागील प्रमुख कारण असल्याचं समजतं. तसेच विरोधी पक्षाचा संभाव्य पंतप्रधान पदाचा उमेदवार कोण यावर सुद्धा चर्चा झाली असण्याची बातमी आहे. सध्या भाजप विरोधी वातावरणाचा फायदा उचलून मोदींना तगडं आवाहन देण्याची व्यूहरचना विरोधकांकडून आखली जात आहे.
विशेष म्हणजे राहुल गांधी यांचे नाव पुढे येत असले तरी शरद पवार यांचे देशातील सर्वच प्रमुख पक्षांशी चांगले राजकीय संबंध असल्याने आणि ते देशपातळीवरील अनुभवी व्यक्तिमत्व असल्याने ते सुद्धा विरोधकांचे प्रतिनिधी असू शकतात असं राजकीय विश्लेषकांना वाटतं.
Had a good meeting with Kumari Mayawati & Satish Chandra Mishra, MP Rajya Sabha. pic.twitter.com/F3ihvRdZf4
— Sharad Pawar (@PawarSpeaks) July 25, 2018
