चंदीगड, २० सप्टेंबर | पंजाबचे नवे मुख्यमंत्री चरणजित सिंग चन्नी यांनी मुख्यमंत्री म्हणून शपथ घेतली आहे. राज्यपाल बीएल पुरोहित यांनी त्यांना पद आणि गोपनीयतेची शपथ दिली. त्यांना 11 वाजता शपथ दिली जाणार होती पण राहुल गांधींची वाट पाहत असल्यामुळे शपथविधी 22 मिनिटे उशीर झाला. त्यानंतर शपथविधीला सुरुवात झाली. नंतर राहुल गांधी राजभवनात पोहोचले. अपमानित होऊन मुख्यमंत्रिपदाची खुर्ची सोडावी लागलेले कॅप्टन अमरिंदर सिंग शपथविधीला उपस्थित राहिले नाहीत. सूत्रांनी दिलेल्या माहितीनुसार, नवे मुख्यमंत्री चरणजित चन्नी दुपारपर्यंत कॅप्टन अमरिंदर सिंग यांची भेट घेण्यासाठी सिसवान फार्म हाऊसमध्ये जाऊ शकतात.
पंजाबच्या नवीन मुख्यमंत्र्यांनी शपथ घेतली, पंजाबचे पहिले दलित मुख्यमंत्री तर दोन उपमुख्यमंत्र्यांचाही शपथविधी – New chief minister Charanjit Singh Channi swearing in Punjab today :
चन्नी यांच्यासोबत सुखजिंदर सिंह रंधावा आणि ओपी सोनी यांनीही उपमुख्यमंत्रिपदाची शपथ घेतली आहे. रंधावा हे जट्ट शीख समाजाचे आहेत. त्याचबरोबर सोनी हे हिंदू नेते आहेत. दुसरे उपमुख्यमंत्री म्हणून ब्रह्ममोहिंद्र यांचे नाव यापूर्वी जाहीर करण्यात आले होते. मात्र, ते कॅप्टनच्या जवळ असल्याने आता ओपी सोनी त्यांच्या जागी उपमुख्यमंत्री होऊ शकतात.
चन्नी हे पंजाबच्या इतिहासातील पहिले दलित मुख्यमंत्री आहेत. पंजाब काँग्रेसचे अध्यक्ष नवजोत सिद्धू यांच्या पाठिंब्याने चन्नी मुख्यमंत्रिपदाची खुर्ची मिळवण्यात यशस्वी झाले. कॅप्टन अमरिंदर सिंग यांच्या राजीनाम्यानंतर खुर्ची रिकामी झाली होती.
महत्वाचं: तुम्हाला हा लेख/बातमी आवडली असेल तर नक्की शेअर करा आणि अशा प्रकारचे लेख/बातमी भविष्यात वाचण्यास आवडतील तर कृपया खालील ‘फॉलो (Follow) ‘ बटणवर न विसरता क्लिक करून महाराष्ट्रनामाला फॉलो करा आणि बातमी नक्की शेअर करा. तुमच्या आवडी प्रमाणे विषय घेऊन लेख/बातमी लिहिणे आमच्या टीमला देखील खूप आवडेल आणि तुमची वाचनाची गोडी देखील त्यामुळे वाढेल.
News Title: New chief minister Charanjit Singh Channi swearing in Punjab today.
