पालघर : महाराष्ट्र स्वाभिमान पक्षाचे अध्यक्ष आणि राज्यसभा खासदार नारायण राणे हे पालघर लोकसभा पोटनिवडणुकीत भाजपसाठी प्रचारात उतणार असल्याचे वृत्त आहे. पालघर मध्ये मोठया प्रमाणावर कोकणी मतदार तसेच भंडारी समाजाचे लोक आहेत. त्याचाच फायदा भाजपच्या उमेदवाराला व्हावा या उद्देशानेच खुद्द मुख्यमंत्र्यांनी नारायण राणेंना प्रचारासाठी विनंती केली आहे.
नारायण राणे आणि शिवसेना यांच्यातील वैर सर्वश्रुत आहे. नारायण राणे यांना शिवसेनेच्या निवडणूक तंत्राचा चांगलाच अनुभव आहे. त्यात ते तिथकेच आक्रमक नेते म्हणून सुद्धा परिचित आहेत. ज्याचा फायदा भाजपच्या उमेदवाराला होऊ शकतो.
भाजपने सुद्धा आयत्यावेळी काँग्रेसमधून उमेदवार करून त्यांना थेट पालघर लोकसभा पोटनिवडणुकीची उमेदवारी दिली आहे. पालघर मतदारसंघात आगरी, आदिवासी आणि भंडारी समाजाची मत महत्वाची भूमिका बजावतात. राणेंना थेट पालघर लोकसभा पोटनिवडणुकीच्या मैदानात प्रचाराला उतरवून भाजपने नवी खेळी खेळल्याचे बोलले जात आहे.
