तर...पंतप्रधानपदासाठी शिवसेना गडकरींना पाठिंबा देईल

नवी दिल्ली: लवकरच होऊ घातलेल्या लोकसभा निवडणुकीत कोणत्याही पक्षाला बहुमत मिळण कठीण होणार आहे. अशा राजकीय पेच निर्माण करणाऱ्या परिस्थितीत जर पंतप्रधान पदासाठी नितीन गडकरींचं यांचं नाव पुढे आल्यास शिवसेना त्यांना जाहीर पाठिंबा देईल, असं शिवसेनेचे खासदार संजय राऊत यांनी एका मुलाखतीदरम्यान म्हणाले.

तसेच त्यांनी भारतीय जनता पक्षासोबत युती करणार नसल्याचा सुद्धा पुनरुच्चार केला. आमच्या शब्दकोषात युती हा शब्द नाही, असं राऊत यांनी म्हटलं आहे. भारतीय जनता पक्ष केवळ स्वत:चा विचार करते. त्यामुळे यापुढे आम्ही सुद्धा केवळ आमचा विचार करतो, असं म्हणत राऊत यांनी शिवसेना स्वबळावर लढणार असल्याचं अप्रत्यक्ष संकेत दिले. तसेच आगामी लोकसभा निवडणुकीचे निकाल त्रिशंकू लागतील. अशा राजकीय परिस्थितीत नितीन गडकरी सुद्धा पुढील सरकारचं नेतृत्त्व करू शकतात, असं खासदार संजय राऊत यांनी म्हटलं.

शिवसेनेनं मागील ५ वर्षांमध्ये बहुतेक वेळा नरेंद्र मोदींच्या विरोधात भूमिका घेतली आहे. राफेल लढाऊ विमान खरेदी प्रकरणात काँग्रेस अध्यक्ष राहुल गांधींनी थेट पंतप्रधानांना लक्ष्य केलं. त्यावेळी सदर प्रकरणाची संसदेच्या संयुक्त संसदीय समितीकडून चौकशी करण्याची मागणी राहुल गांधींनी केली होती. यावेळी शिवसेनेनं सुद्धा संसदेच्या संयुक्त संसदीय समितीमार्फत राफेल लढाऊ विमानांच्या कराराची सखोल चौकशी करण्याची मागणी करत भारतीय जनता पक्षाच्या अडचणीत वाढ केली होती.

Disclaimer: म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.