पुणे : भाजपचे नेते आणि माजी महसूल मंत्री एकनाथ खडसे यांना पुण्यातील भोसरी भूखंड खरेदी प्रकरणी लाचलुचपत प्रतिबंधक विभागाने क्लीन चिट दिली आहे. तसा अहवालच एसीबीने न्यायालयात सादर केल्याचं समजतं.
राज्याचे माजी महसूलमंत्री एकनाथ खडसे यांना त्यामुळे मोठा दिलासा मिळण्याची शक्यता असून ते पुन्हा राज्य मंत्रिमंडळात परंतु शकतात असं म्हटलं जात आहे. पुण्यातील भोसरी भूखंड खरेदी प्रकरणी त्यांच्यावर आरोप झाल्यावर त्यांना मंत्रिपदावरून पायउतार व्हावं लागलं होत. त्याप्रकारचे चौकशीचे आदेश पुण्याच्या एसीबी कडे देण्यात आले होते. महसूल मंत्री असताना त्यांनी पदाचा गैर वापर करत भिसारी एमआयडीसी येथे भूखंड खरेदी केल्याचा आरोप करण्यात आला होता.
पुणे एसीबीने सोमवारी न्यायालयात अंतिम अहवाल सादर केला असून सदर प्रकरणाची चौकशी करत त्या भूखंड खरेदीमुळे राज्य शासनाचा महसूल बुडाला नसून, तसेच त्यात एकनाथ खडसेंनी पदाचा कोणताही गैरवापर केला नाही असं नमूद करण्यात आलं आहे. या अहवालामुळे एकनाथ खडसेंच्या पत्नी मंदाकिनी, जावई गिरीश दयाराम चौधरी यांना मोठा दिलासा मिळण्याची शक्यता वर्तविण्यात येत आहे. परंतु संपूर्ण प्रकरण हे न्यायप्रविष्ठ असल्यामुळे आम्ही त्याबद्दल अधिक बोलणार नाही, असं एसीबीचे अधीक्षक संदीप दिवाण यांनी प्रसार माध्यमांना स्पष्टं केलं.
News English Summary: BJP leader and former revenue minister Eknath Khadse has been given a clean chit by the Bribery Prevention Department in the Bhosari plot purchase case in Pune. It is understood that the ACB submitted the same report to the court.
News English Title: Bhosari Land Scam BJP senior Leader Eknath Khadse Reaction Clean Chit news updates.
