कोकणात विधानपरिषदेसाठी तिरंगी लढत, सेना, राणे आणि तटकरे सामना

मुंबई : महाराष्ट्र स्वाभिमान पक्षासाठी विधानपरिषदेची जागा सोडल्याची घोषणा भाजपने केली आणि कोकणातील एका जागेसाठी नारायण राणे, शिवसेना आणि राष्ट्रवादी असा सामना बघायला मिळणार हे स्पष्टं झालं.

भाजपने शिवसेनेला धडा शिकविण्यासाठी ही खेळी खेळल्याचे राजकीय विश्लेषक बोलत आहेत. कोकणात नारायण राणेंना बळ देऊन शिवसेनेवर कुरघोडी करण्याचा प्रयत्नं भाजपने केला असून, कोकणात शिवसेनेला दे धक्का करण्याची योजना असू शकते.

शिवसेनेने आधीच कोकणातून विधानपरिषदेची राजीव साबळे यांना उमेदवारी जाहीर केली आहे. तर राष्ट्रवादीकडून सुनील तटकरेंच्या कुटुंबातील एकाचे नाव जाहीर होण्याची शक्यता आहे. भाजपच्या या खेळीमुळे शिवसेने पेक्षा तटकरेंच्याच अडचणी जास्त वाढल्याचे चित्र आहे.