19 March 2024 1:17 PM
अँप डाउनलोड
बातम्या फ्लॅश
TCS Share Price | टीसीएस शेअर्समध्ये मोठी घसरण सुरु, कंपनीच्या मोठ्या निर्णयाने शेअर पुढे किती घसरणार? Adani Power Share Price | अदानी पॉवर कंपनीबाबत अपडेटने शेअरवर परिणाम, शेअरची प्राईस खूप घसरणार? IPO GMP | स्वस्त IPO शेअरने लॉटरी लागली! एकदिवसात 101 टक्के परतावा मिळाला, गुंतवणूकदार मालामाल IRFC Vs RVNL Share Price | रेल्वे सेवा संबंधित शेअर्स खरेदी करावे? 1 वर्षात मल्टिबॅगर परतावा दिला, पण पुढे काय होणार? Tata Steel Share Price | टाटा स्टील शेअर्समध्ये जोरदार खरेदी सुरू, तज्ज्ञांकडून पुढची टार्गेट प्राइस जाहीर Reliance Power Share Price | 23 रुपयाचा रिलायन्स पॉवर शेअर 'पॉवर' दाखवतोय, सकारात्मक अपडेटने स्टॉक तेजीत Mutual Fund SIP | पगारदारांनो! महिना 3000 रुपयांची SIP बचत देईल कोटी मध्ये परतावा, रक्कम जाणून घ्या
x

पवारांच्या हत्येचा कट रचला जात असल्याची तक्रार; सोशल मीडियावरील कमेंटचा आधार

Sharad Pawar murder plan, Cyber Police Pune

पुणे: राष्ट्रवादी काँग्रेसचे अध्यक्ष शरद पवारांच्या हत्येचा कट रचला जात असल्याची धक्कादायक माहिती समोर आली आहे. या प्रकरणी शिवाजीनगर पोलिस स्टेशनमध्ये तक्रार दाखल करण्यात आली आहे. पत्रकार भाऊ तोरसेकर आणि ‘पोस्टमन’ या पोर्टलवर कमेंट करणाऱ्यांविरुद्ध राष्ट्रवादीचे कार्यकर्ते लक्ष्मीकांत खाबिया यांनी पोलिसांत तक्रार दाखल केली आहे.

राष्ट्रवादी काँग्रेसचे कार्यकर्ते लक्ष्मीकांत खांबिया यांनी शरद पवार यांच्या जीवाला धोका असल्याची लेखी तक्रार पुण्यातील शिवाजीनगर पोलीस स्टेशनला दिली. काही वेबपोर्टलवरुन शरद पवार यांच्याविरोधात चिथावणीखोर भाषणांचे व्हिडीओ टाकले जात आहेत. त्याखाली शरद पवार यांच्याविरोधात टोकाच्या कमेंट केल्या जात आहेत. या कमेंटवरुन शरद पवार यांच्या हत्येचा कट रचला जात असल्याचा आरोप लक्ष्मीकांत खांबिया यांनी केला आहे.

निवडणुकांच्या काळात आणि गेल्या अनेक दिवसांपासून सोशल मीडियावर जातीय तेढ निर्माण करून सामाजिक व राजकीय ऐक्याला तडा जाईल, असे कृत्य करण्यात येत आहे. महाविकास आघाडीचे सरकार आल्यानंतर भाऊ तोरसेकर, घनशाम पाटील आणि इतर लोकांकडून युट्यूबवर पोस्टमन थींक टॅंक इत्यादी चॅनेलच्या माध्यमातून शरद पवार यांना संपविले पाहिजे, बॉम्ब व गोळ्यांचा वापर केला पाहिजे, अशा आशयाची भाषणे होत आहेत. हे चिथावणीखोर वक्तव्ये माझ्या निदर्शनास आल्यामुळे ही तक्रार दाखल करत असल्याचं खाबिया यांनी तक्रारीत म्हटले आहे. खाबिया हे पुण्यातील शिवाजी नगर भागातील रहिवासी आहेत. दरम्यान, पुणे सायबर पोलीस विभागाने त्यांच्या तक्रारीची नोंद करुन घेतली आहे.

पत्रकार भाऊ तोरसेकर आणि पोस्टमन या युट्युब चॅनेलवर कमेंट करणाऱ्यांविरोधात लक्ष्मीकांत खाबिया यांनी ही तक्रार दाखल केली आहे. तसेच, कोरेगाव भिमा दंगलीचे खरे सुत्रधार कोण? असा प्रश्न उपस्थित करत, हे प्रकरण गंभीर असल्याचंही राष्ट्रवादीचे कार्यकर्ते असलेल्या खाबिया यांनी तक्रारीत म्हटले आहे.

 

Web Title:  NCP President Sharad Pawar murder plan someone complaint lodged at Cyber Police Pune.

हॅशटॅग्स

संबंधित बातम्या

राहुन गेलेल्या बातम्या

x