का कठीण आहे 'निर्जला एकादशी'चं व्रत | जाणून घ्या या एकादशीचे महत्त्व

मुंबई, २१ जून | सनातन धर्मात २४ एकादशी आहेत. प्रत्येक एकादशीचे स्वतःचे खास महत्त्व आहे. परंतु ज्येष्ठ महिन्याच्या शुक्ल पक्ष एकादशी तिथीला पडणारी निर्जला एकादशी विशेष महत्वाची मानली जाते. या एकादशीला पिण्याचे पाणी पिण्यास मनाई आहे. याच एकादशीला निर्जला एकादशी असे म्हणतात. असे म्हणतात की या एकादशी व्रताचे पालन केल्यास सर्व २४ एकादशींचे फळ प्राप्त होते. चला तर मग जाणून घेऊया निर्जला एकादशी कधी आहे ,त्याचा शुभ मुहूर्त आणि महत्त्व काय आहे? वर्षभरातील सर्व एकादशांपैकी सर्वात मोठी आणि महत्त्वपूर्ण एकादशी म्हणून ‘निर्जला एकादशी’ मानली जाते. निर्जला एकादशीच्या दिवशी भगवान श्री विष्णुची पूजा आणि व्रत केले जाते. विशेष महत्त्व असलेल्या या एकादशी निमित्त व्रत केल्याने पुण्याची प्राप्ती होऊन सर्व इच्छा पूर्ण होतात, असे मानले जाते. तसंच मरणानंतर मोक्षप्राप्ती होते, अशीही या एकादशीची महती आहे.

निर्जला एकादशीचा शुभ मुहूर्त व पद्धत:
निर्जला एकादशीला धार्मिक शास्त्रात भीमसेन एकादशी म्हणूनही ओळखले जाते. यावेळी ही एकादशी आज 21 जून रोजी पडत आहे. 20 जून रोजी संध्याकाळी ४ वाजून २१ मिनिटांनी निर्जला एकादशी प्रारंभ होईल. तर २१ जून रोजी दुपारी १ वाजून ३१ मिनिटांपर्यंत तिथीची समाप्ती होईल. २२ जून रोजी पहाटे ५ वाजून २४ मिनिट ते ८ वाजून १२ मिनिट या वेळेत निर्जला एकादशी उपवास सोडायचा शुभ मुहूर्त आहे. ज्योतिषांच्या म्हणण्यानुसार गंगा दसराच्या दिवसापासून उपवासाने तामसिक भोजन सोडले पाहिजे. यासह, लसूण आणि कांदा वर्ज केलेले अन्न घ्यावे. रात्री जमिनीवर झोपा. दुसर्‍या दिवशी ब्रह्ममुहूर्तामध्ये जागे व्हा आणि सर्वात आधी श्रीहरींचे नामस्मरण करा. यानंतर, सकाळचे दैनंदिन कामे झाल्यानंतर आंघोळीच्या पाण्यात गंगाजल टाकून स्नान करा. मग पिवळे वस्त्र (कपडे) घाला. यानंतर सूर्यदेवाला अर्घ्य अर्पण करा.

व्रत करण्याची पद्धत:
सूर्यदेवाला जल अर्पण केल्यावर पिवळी फुले, फळे, अक्षत, दुर्वा आणि चंदन घेऊन भगवान विष्णूची पूजा करावी. मग ‘ओम नमो भगवते वासुदेवय’ या मंत्राचा जप करा. यानंतर निर्जला एकादशीची कथा वाचा आणि आरती करा. या दिवशी उपवास ठेवण्याचा नियम असून या दिवशी पाणी ग्रहण केले जात नाही. उपवास सोडल्यानंतरच आपल्याला पाण्याचे सेवन करता येते. एकादशीविषयी मनात काही शंका असल्यास किंवा व्रता संबंधित इतर काही माहिती हवी असल्यास ज्योतिषांचा, जानत्यांचा सल्ला घ्या. द्वादशीच्या दिवशी शुध्दीकरण करुन उपवास सोडायच्या मुहूर्ताच्या वेळी उपवास सोडावा. सर्वप्रथम भगवान विष्णूला भोग अर्पण करावे. भोगात गोड काहीतरी तरी नक्की असायला हवे. यानंतर प्रथम प्रत्येकाला देवाचा प्रसाद वाटप करा. जास्तीत जास्त देणगी व दक्षिणा देऊन ब्राह्मण व गरजूंना प्रसाद द्या.

महत्वाचं: तुम्हाला हा लेख/बातमी आवडली असेल तर नक्की शेअर करा आणि अशा प्रकारचे लेख/बातमी भविष्यात वाचण्यास आवडतील तर कृपया महाराष्ट्रनामाला न विसरता ‘फॉलो (Follow) ‘ करा. तुमच्या आवडी प्रमाणे विषय घेऊन लेख/बातमी लिहिणे आमच्या टीमला देखील खूप आवडेल आणि तुमची वाचनाची गोडी देखील त्यामुळे वाढेल. त्यामुळे आम्हाला नक्की फॉलो करा. महाराष्ट्रनामा नेहमीच वाचकाच्या पसंतीचे आणि निरनिराळ्या पण महत्वाच्या विषयांवरील लेख प्रसिद्ध करण्यास वचनबद्ध आहे.

News Title: Why Nirjala Vrat is too difficult news updates.

Disclaimer: म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.