नवी दिल्ली, १० ऑगस्ट : भारतीय क्रिकेट नियामक मंडळाचा (बीसीसीआय) ) इंडियन प्रीमिअर लीग (आयपीएल 2020) संयुक्त अरब अमिरातीत खेळवण्याचा मार्ग मोकळा झाला आहे. आयपीएल यूएईत खेळवण्यासाठी सरकारकडून मान्यता मिळाल्याची माहिती गव्हर्निंग काऊंसिलचे चेअरमन ब्रिजेश पटेल यांनी सांगितले. त्यामुळे १९ सप्टेंबर ते १० नोव्हेंबर या कालावधीत यूएईत आयपीएल खेळवण्याचा मार्ग मोकळा झाला आहे. बीसीसीआयच्या माहितीनंतर 8 फ्रँचायझींनी खेळाडूंना क्वारंटाईन करण्याच्या हालचाली सुरू केल्या आहेत. पटेल यांनी सांगितले की,”आम्हाला लेखी परवानगी मिळाली आहे.

दरम्यान, आयपीएलच्या 13 व्या सीजनमधून विवो कंपनीला हटवल्यानंतर आयपीएल लीगसाठी नवीन प्रायोजकांसाठी जागा मोकळी झाली आहे. त्यामुळे योगगुरू बाबा रामदेव यांची आयुर्वेद कंपनी पतंजली इंडियन प्रीमियर लीग (आयपीएल) च्या १३ व्या सीजनच्या टायटल स्पॉन्सरशिपसाठी बोली लावण्याची शक्यता आहे. याबाबत बीसीसीआयकडून अद्याप कोणतीही माहिती समोर आलेली नाही.

पतंजलीचे प्रवक्ते एसके तिजारावाला यांनी पीटीआयला सांगितले की, ‘आम्ही यावर विचार करीत आहोत. हे स्थानिकांसाठी आणि भारतीय ब्रँडला जागतिक करण्यासाठी योग्य व्यासपीठ आहे. आम्ही यात लक्ष घालतोय. पतंजलीने देखील यावर अजून अंतिम निर्णय घेण्याचे बाकी असल्याचेही तिजारावाला म्हणाले आहेत.

 

News English Summary: The Board of Control for Cricket in India (BCCI) has cleared the way for the Indian Premier League (IPL 2020) to be played in the United Arab Emirates. The IPL has been approved by the government to play in the UAE, said Brijesh Patel, chairman of the governing council.

News English Title: Indian Government Gives Formal Approval To Host IPL 2020 Tournament In UAE Says Chairman Brijesh Patel News Latest Updates.

UAE IPL 2020 खेळवण्यासाठी केंद्र सरकारकडून मान्यता – ब्रिजेश पटेल