आढावा विधानसभेचा: अंधेरी पूर्व मध्ये 'काटे की टक्कर', भाजपच्या अंतर्गत सर्व्हेत मुरजी पटेल यांचं पारडं जड
मुंबई : सध्या अंधेरी पूर्वेचा हा विधानसभा मतदारसंघ शिवसेनेच्या खात्यात आहे. शिवसेनेचे रमेश लटके हे येथील विद्यमान आमदार आहेत. परंतु आगामी निवडणूक मात्र त्यांच्यासाठी जड असल्याचे एकूण चित्र आहे. या मतदारसंघात मराठी, उत्तर भारतीय, मुस्लिम आणि ख्रिश्चन समाजाचा सारखाच प्रभाव असल्याने हा मतदार संघ काहीसा मिश्र म्हणून परिचित आहे. कोणत्याही एकाच समाजाच्या मतांवर येथे निवडून येणे जवळपास अशक्य आहे. या मतदारसंघात यंदाची विधानसभा लढाई खूपच आकर्षणाचं केंद्र ठरणार आहे.
आगामी विधानसभा निवडणुकीत येथून शिवसेनेचे विद्यमान आमदार रमेश लटके हेच उमेदवार असतील यात शंका नाही. तर काँग्रेसकडून अजून काही निश्चित नसले तरी माजी आरोग्यमंत्री सुरेश शेट्टी हेच उमेदवार असतील असे वृत्त आहे. तर भाजपकडून विद्यमान नगरसेवक मुरजी पटेल हेच उमेदवार असतील अशीच शक्यत आहे. भारतीय जनता पक्षाने केलेल्या अंतर्गत सव्हेमध्ये मुरजी पटेल यांचं पारडं जड असल्याचं म्हटलं जात आहे. विशेष म्हणजे शिवसेनेचे तत्कालीन नगरसेवक रमेश लटके जेव्हा २०१४ मध्ये पहिल्यांदा आमदार झाले तेव्हा मुरजी पटेल हे शिवसेनेत होते. त्यावेळी त्यांची सेवाभावी संस्था जीवन ज्योत प्रतिष्ठानने केलेली जनसेवेची कामं रमेश लटकेंच्या पथ्यावर पडली आणि सुरेश शेट्टींसारखा तगडा काँग्रेस उमेदवार समोर असताना सुद्धा त्यांचा विजय सुकर झाला होता.
परंतु तेच मुरजी पटेल मागील महानगर पालिका निवडणुकीत भाजपमध्ये दाखल झाले आणि ते व त्यांची पत्नी केसरबेन पटेल दोघेही नगरसेवक म्हणून निवडून आले. त्यांच्या जीवन ज्योत प्रतिष्ठानचा अंधेरी पूर्वेतील आवाका बघता त्यांचा मार्ग आगामी विधानसभा निवडणुकीत सुकर असेल असं एकूण चित्र आहे. संभाव्य पराभवाची चुणूक शिवसेनेला सुद्धा लागल्याने त्यांनी येथील उत्तर भारतीय नेते गळाला लावायला सुरुवात केली आहे. त्याचाच भाग म्हणजे शिवसेनेचे पहिले उत्तर भारतीय शाखाप्रमुख, माजी नगरसेवक आणि संजय निरुपम यांचे खंदे समर्थक कमलेश राय यांना शिवसेनेत प्रवेश देण्यात आला आहे. कमलेश राय यांच्या पत्नी सध्या या मतदारसंघात नगरसेवक आहेत. दरम्यान, कमलेश राय यांनी याच मतदारसंघातून आगामी निवडणुकीसाठी काँग्रेसकडून आमदारकीची उमेदवारी मागितली होती. त्यानंतर त्यांचे संजय निरुपम आणि सुरेश शेट्टी यांच्याशी संबंध बिघडल्याचे समजते.
त्यामुळे उद्या कमलेश राय यांनी शिवसेनेतून आमदाराची तिकीट मागितल्यास आश्चर्य वाटायला नको. तसे झाल्यास शिवसेनेतच दुफळी माजेल असं समजतं. दुसरीकडे माजी आरोग्यमंत्री सुरेश शेट्टी अचानक कार्यरत झाले तरी त्यांचा सध्या मतदारांशी संपर्क नसल्यात जमा आहे. विशेष म्हणजे शिवसेना आणि काँग्रेसच्या या मात्तबर नेत्यांपुढे विजयश्री खेचून आणतील असे भाजपकडे नगरसेक मुरजी पटेल हे एकच पर्याय सद्यातरी आहेत. जीवन ज्योत प्रतिष्ठानच्या समाजसेवी कामांचा आवाका पाहता ते सर्वच घटकांशी जोडले गेले आहेत. या मतदार संघात जे मतदान होईल ते भाजपाला नसेल, तर ते मुरजी पटेल या व्यक्तीला असेल असं एकूण चित्र आहे.
अंधेरी पूर्वेतील गरीब मुलांना शैक्षणिक मदत, मोफत वैद्यकीय सेवा, महिला कौशल्य प्रशिक्षण केंद्र, रोजगार मेळावे, विविध धर्मियांना आर्थिक मदत असे अनेक उपक्रम ते जीवन ज्योत प्रतिष्ठानच्या माध्यमातून गेली ७-८ वर्ष राबवत आहेत. परिणामी ते सर्वच समाजाशी भावनिक दृष्ट्या जोडले गेले आहेत. त्यामुळे त्यांचं या विधानसभा निवडणुकीत पारडं जड असल्याचं म्हटलं जात आहे.
संबंधित बातम्या
व्हिडिओ
- VIDEO | सोमैयांच्या भंपक आरोपांचा इतिहास | ५'वी दिवाळी आली तरी अजित पवार-तटकरे बाहेरच
- VIDEO | अमेरिकेत बायडन तर महाराष्ट्रात पवार यांची पावसातील सभा | पहा..
- VIDEO | जलयुक्त शिवार योजना | फडणवीसांची फिरवाफिरवी | राज ठाकरेंकडून वास्तव
- पेट्रोल डिझेलचे भाव गगनाला भिडले तरी मोदी गप्प?
- कोरोना रुग्णांच्या आरोग्य सेवांवरून राज्य सरकार गोधळलंय
- महाराष्ट्रनामा कोरोना डॅशबोर्ड
- महाराष्ट्र...कोरोना रुग्ण...बेड्स...राज्य सरकारचं वास्तव उघड
- सोनू सूद लॉकडाउन दरम्यानचा खरंच देव आहे? जाणून घ्या सत्य
- सरकारने पोलिसांवरील उपचारासाठी मरोळ PTS ताब्यात घ्यावं
राहुन गेलेल्या बातम्या
- Old Vs New Tax Regime | पगारदारांनो! जुन्या टॅक्स प्रणालीतून नव्या टॅक्स प्रणालीकडे कोणी जावे? डिक्लेरेशन पूर्वीच समजून घ्या
- Bank Account Alert | महाराष्ट्रातील या बँकेत तुमचं खातं आहे? आता पैसे काढू शकणार नाही, RBI ने बंदी घातली
- Stocks To Buy | गुंतवणुकीसाठी टॉप 5 शेअर्स सेव्ह करा, अल्पावधीत 43 टक्क्यांपर्यंत परतावा मिळेल
- Numerology Horoscope | 26 एप्रिल 2024 | तुमची जन्म तारीख किती? अंकज्योतिष शास्त्र सांगेल तुमचा शुक्रवारचा दिवस कसा असेल
- Man Industries Share Price | मालामाल करणारा शेअर! एका वर्षात 350 टक्के परतावा, पुढेही जोरदार कमाई होईल
- Penny Stocks | गरिबांना सुद्धा खरेदीला परवडतील हे 10 पेनी शेअर्स, अप्पर सर्किट हीट गतीने पैसा वाढतोय
- Bonus Shares | फ्री शेअर्स मिळवा! मल्टिबॅगर शेअरवर मिळतील फ्री बोनस शेअर्स, 1 वर्षात 462 टक्के परतावा दिला
- Numerology Horoscope | 24 एप्रिल 2024 | तुमची जन्म तारीख किती? अंकज्योतिष शास्त्र सांगेल तुमचा बुधवारचा दिवस कसा असेल
- HUDCO Share Price | PSU शेअर खरेदीला गर्दी, 1 वर्षात 369% परतावा दिला, तर 1 दिवसात 15% परतावा
- Penny Stocks | 10 पेनी शेअर्स जे अवघ्या 1 रुपया ते 9 रुपयांमध्ये खरेदी करू शकता, संयमातून श्रीमंत होऊ शकता