28 March 2024 2:36 PM
अँप डाउनलोड
बातम्या फ्लॅश
Adani Green Share Price | अदानी ग्रीन शेअर चार्टवर मोठे संकेत, शेअरमध्ये बंपर तेजी येणार, किती फायदा होईल? Reliance Share Price | होय! भरवशाचा रिलायन्स इंडस्ट्रीज शेअर पैसे दुप्पट करणार, तज्ज्ञांकडून मोठी टार्गेट प्राइस जाहीर Gold Rate Today | बापरे! आज सोन्याचा भाव प्रचंड महाग झाला, पटापट तुमच्या शहरातील वाढीव दर तपासून घ्या Zomato Share Price | झोमॅटो शेअरने ब्रेकआऊट दिला, अल्पावधीत मोठी कमाई होणार, पुढील टार्गेट प्राइस जाणून घ्या Jai Balaji Share Price | कुबेर कृपा करणारा 42 रुपयाचा शेअर! 1 वर्षात 2400% परतावा दिला, पुढेही मल्टिबॅगर? IRFC Vs RVNL Share | या शेअरने 1 वर्षात दिला 297% परतावा, आता कंपनीबाबत मोठी अपडेट, स्टॉकवर परिणाम होणार? Adani Power Share Price | अदानी पॉवर कंपनीबाबत मोठी अपडेट आली, शेअरवर परिणाम होणार? तज्ज्ञांनी काय सल्ला दिला?
x

गुजरातमध्ये उत्तर भारतीयांवरील हल्ल्यामागे संजय निरुपम यांच्याच पक्षाचा हात?

मुंबई : स्वतःला महाराष्ट्रातील उत्तर भारतीयांचे कैवारी समजणारे मुंबई काँग्रेसचे अध्यक्ष संजय निरुपम सध्या गुजरातमधील उत्तर भारतीयांच्या हल्ल्यामागील प्रकरणावरून बॅकफूटवर गेले आहेत. कारण निरुपम यांच्या पक्षाचाच हात गुजरातमधील उत्तर भारतीयांवरील हल्ल्यामागे असण्याची प्राथमिक माहिती गुजरात मधील प्रकरणावरून समोर येत आहे. त्यामुळे संजय निरुपम या विषयावर पडद्याआड गेले असून, त्यांना राज्य काँग्रेसकडून सुद्धा तंबी देण्यात आल्याचे वृत्त आहे. कारण, आता गुजरातमध्ये उत्तर भारतीयांवरील हल्ल्यामागे काँग्रेसचे स्थानिक आमदार अल्पेश ठाकोर असल्याचे एका व्हायरल झालेल्या व्हिडिओ मध्ये समोर येत आहे.

काही दिवसांपासून गुजरातमधील यूपी-बिहारींवर जोरदार हल्ले सुरु झाले होते आणि त्यानंतर हजारो उत्तर भारतीयांनी गुजरातमधून पलायन केल्याचे व्हिडिओ व्हायरल झाले आणि विषय सर्वत्र पसरला. परंतु, आता परिस्थती निवळण्यास सुरुवात होताच राजकारण सुद्धा डोकं वर काढू लागलं आहे. या प्रकाराला सुरुवातीला भाजप शासनाला कारणीभूत ठरविण्यात आले होते, परंतु आता विषय काँग्रेसच्या अंगलट आल्याचे चित्र निर्माण झाले आहे.

कारण काँग्रेसचे आमदार आणि ठाकोर सेनेचे प्रमुख अल्पेश ठाकोर यांचा द्वेष पसरवणारा व्हिडीओ व्हायरल होत आहे. त्यानंतर आमदार अल्पेश ठाकोर यांनी सुद्धा सारवासारव करण्यास सुरुवात केली आहे. मी जर एखाद्याला धमकी दिली असेल, तर मी स्वत: तुरुंगात जाईन, असं अल्पेश ठाकोर यांनी स्पष्ट केलं आहे. याशिवाय आपण ११ ऑक्टोबरपासून उपोषण करणार असल्याचं सुद्धा जाहीर केलं आहे. सध्या अल्पेश ठाकोर यांचा एक व्हिडीओ समाज माध्यमांवर व्हायरल झाला आहे. त्या व्हिडिओनुसार ठाकोर यांनी द्वेष पसरवणारी भाषा वापरली आहे असं समोर येत आहे. त्यामुळे ते आणि त्यांच्याबरोबर काँग्रेस सुद्धा वादात सापडली आहे.

काही दिवसांपूर्वी एका १४ महिन्याच्या चिमुकलीवर बिहारच्या व्यक्तीनं बलात्कार केल्याची घटना गुजरातमध्ये घडली. त्यानंतर स्थानिकांकडून उत्तर भारतीय लोकांवर जोरदार हल्ले केले जात आहेत. त्यामुळे हजारो उत्तर भारतीयांनी २-३ दिवसात गुजरात सोडलं आहे. यावरुन आता काँग्रेसचे आमदार अल्पेश ठाकोर वादात सापडले आहेत. उत्तर भारतीयांवरील हल्ल्यांमागे अल्पेश ठाकोर आणि त्यांची ठाकोर सेना यांचा हात असल्याचा आरोप होत आहे.भाजप सरकारने सुद्धा स्वतःची कातडी वाचविण्यासाठी आता अल्पेश ठाकोर यांना लक्ष करण्यास सुरुवात केली आहे.

हॅशटॅग्स

#Congress(527)

संबंधित बातम्या

राहुन गेलेल्या बातम्या

x