शिंदे पुत्राच्या बचावासाठी शिंदे गटातील नेत्यांकडून 'स्क्रिप्टेड खोटा प्रचार' सुरु | सुप्रिया सुळेंचा फोटो एडिट करून बदनामीचा केविलवाणी प्रयत्न

MP Supriya Sule ​​| खासदार श्रीकांत शिंदे हे मुख्यमंत्री एकनाथ शिंदे यांच्या खुर्चीत बसले आहेत असा फोटो शुक्रवारी व्हायरल झाला होता. राष्ट्रवादीचे नेते रविकांत वरपे यांनी हा फोटो ट्विट केला होता आणि श्रीकांत शिंदे सुपर सीएम झाल्याबद्दल त्यांना शुभेच्छा असं खोचक ट्विटही केलं होतं. त्यानंतर शिंदे गटाच्या शीतल म्हात्रे यांनी महाविकास आघाडीच्या काळात सुप्रिया सुळे या मुख्यमंत्र्यांच्या खुर्चीवर बसल्या आहेत असा फोटो ट्विट केला.

शीतल म्हात्रे यांनी महाविकास आघाडी सरकारच्या काळातला फोटो ट्विट केला आहे. त्यामध्ये राष्ट्रवादीच्या खासदार सुप्रिया सुळे या मुख्यमंत्र्यांच्या खुर्चीत बसल्या आहेत असं दिसतं आहे. त्यांच्या शेजारी त्यावेळी आरोग्य मंत्री असलेले राजेश टोपे आणि गृहमंत्री असलेले दिलीप वळसे पाटीलही बसल्याचं दिसतं आहे. महाविकास आघाडीच्या काळात उद्धव ठाकरे मुख्यमंत्री होते. त्यावर ट्विट करत हा फोटो बघा कोण कुणाच्या खुर्चीत बसलंय? असा प्रश्न विचारत शीतल म्हात्रे यांनी हा फोटो ट्विट केला आहे.

हा फोटो बघा.. कोण कोणाच्या खुर्चीवर बसलयं ?? pic.twitter.com/8UUb5VzMQR

— sheetal mhatre (@sheetalmhatre1) September 23, 2022

सुप्रिया सुळे यांचा मुख्यमंत्र्यांच्या खुर्चीत बसलेला फोटो हा मॉर्फ केल्याचं समोर आलं आहे. तसे दोन वेगवेगळे फोटोही राष्ट्रवादी काँग्रेसकडून शेअर करण्यात आलेत. फोटोत छेडछाड करुन मुख्यमंत्र्यांच्या खुर्चीत सुप्रिया सुळे बसल्याचं भासवण्यात आल्याचा आरोप राष्ट्रवादीच्या वतीने करण्यात आलाय. गोव्यातील राष्ट्रवादीचे प्रवक्ते क्लाईड क्रास्टो यांनी ट्वीट करत याबाबतचा दावा केलाय.

Picture of Ms.Supriya Sule posted by @sheetalmhatre1 is a morphed image with clear intentions of maligning her image.@MahaCyber1, @MumbaiPolice must take action immediately.#SheetalMhatre must apologize to Ms.Sule and take down the tweet or @NCPspeaks will take legal action pic.twitter.com/yrHaivJtFn

— Clyde Crasto – क्लाईड क्रास्टो (@Clyde_Crasto) September 24, 2022

ओरिजनल फोटो :
युवक काँग्रेसचे प्रदेश सरचिटणीस प्रवीणकुमार बिरादार यांनीही याच फोटो संदर्भात ट्विट करत ओरिजनल फोटो काय आहे आणि त्याचं मॉर्फिंग कसं केलं गेलं आहे ते ट्विट केलं आहे. एवढंच नाही तर शिंदे गटावर टीकाही केली आहे. वाण नाही पण गुण लागला,शिंदेसेना भाजपच्या नादाला लागून आता फोटोशॉप सेना झाली आहे. हा घ्या पुरावा.

वाण नाही पण गुण लागला 🤦‍♂️

शिंदेसेना भाजपच्या नादाला लागून आता फोटोशॉप सेना झाली आहे.

हा घ्या पुरावा 👇 https://t.co/1ZiAKIAeyA pic.twitter.com/9gN1mVoZL6

— Pravinkumar Biradar (@PravinIYC) September 23, 2022

महत्वाचं : तुम्हाला हा लेख/बातमी आवडली असेल तर नक्की शेअर करा आणि महाराष्ट्रनामाला फॉलो करा. तसेच शेअर बाजारातील गुंतवणुकीसंदर्भात तज्ज्ञांनी दिलेल्या सल्ल्याशी आमचा काहीही संबंध नाही. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. शेअर खरेदी/विक्री हा बाजार तज्ज्ञांचा सल्ला आहे. म्युच्युअल फंड आणि शेअर बाजारातील गुंतवणूक ही जोखमींवर आधारित असते. त्यामुळे कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.

News Title: Sheetal Mhatre shared MP Supriya Sule’s morphed photo check details 24 September 2022.