Ankita Bhandari Murder | अंकिता भंडारी मर्डर केस, भाजप नेत्याचा मुलगा मुख्य आरोपी, भाजप नेत्याच्या रिसॉर्टला लोकांनी आग लावली

Ankita Bhandari Murder ​​| उत्तराखंडच्या ऋषिकेश जिल्ह्यातील कालव्यातून शनिवारी १९ वर्षीय अंकिता भंडारी हिचा मृतदेह सापडला. काही तासांनंतर अंकिता ज्या रिसॉर्टमध्ये काम करत होती, त्या रिसॉर्टला जमावाने आग लावली. अंकिता भंडारी हत्या प्रकरणातील मुख्य आरोपी उत्तराखंडचे माजी मंत्री आणि भाजप नेते विनोद आर्य यांचा धाकटा मुलगा पुलकित आर्य याचे हे रिसॉर्ट आहे. या घटनेनंतर भाजपनं विनोद आर्य यांना पक्षातून निलंबित केलं आहे.

निलंबित भाजप नेत्याचा मुलगा मुख्य आरोपी :
अंकिताचा मृतदेह ऋषिकेश जिल्ह्यातील चिल्ला कालव्यातून ताब्यात घेण्यात आला. एका पोलीस अधिकाऱ्याने ही माहिती दिली आहे. पोलीस अधिकाऱ्याने सांगितले की, मृत महिलेचा भाऊ आणि वडील घटनास्थळी उपस्थित होते आणि त्यांनी मृतदेहाची ओळख पटविली. या प्रकरणातील मुख्य आरोपी पुलकित आर्य याच्यासह अन्य दोघांना पोलिसांनी शुक्रवारी अटक केली. मृत अंकिता भंडारी ही लक्ष्मण झुला भागात असलेल्या वांतारा रिसॉर्टमध्ये रिसेप्शनिस्ट म्हणून काम करत होती. या हत्येतील सर्व आरोपींनी रिसॉर्टच्या मॅनेजरसह वादानंतर अंकिताला कालव्यात ढकलून दिल्याची कबुली दिली आहे, अशी माहिती पोलिसांनी दिली. दरम्यान, शनिवारी या प्रकरणातील मुख्य आरोपी पुलकितचा मोठा भाऊ आर्यन याला राज्य ओबीसी आयोगाच्या उपसभापतीपदावरून हटवण्यात आले.

अंकिता हत्या प्रकरणाचा तपास एसआयटी करणार :
अंकिता हत्या प्रकरणाचा तपास करण्यासाठी विशेष तपास पथकाची (एसआयटी) स्थापना करण्यात आली आहे. उत्तराखंडचे मुख्यमंत्री पुष्कर सिंह धामी यांनी शनिवारी सकाळी ट्विटरवर ट्विट करत मुलगी अंकिताचा मृतदेह आज सकाळी सापडला आहे. हृदय पिळवटून टाकणाऱ्या या घटनेने मन खूप व्यथित झाले आहे.

आरोपियों के गैर कानूनी रूप से बने रिजॉर्ट पर बुल्डोजर द्वारा कार्रवाई भी कल देर रात की गई है।

हमारा संकल्प है कि इस जघन्य अपराध के दोषियों को बख्शा नहीं जाएगा।

— Pushkar Singh Dhami (@pushkardhami) September 24, 2022

दोषींना कठोरात कठोर शिक्षा व्हावी यासाठी पोलीस उपमहानिरीक्षक पी. रेणुका देवीजी यांच्या नेतृत्वाखाली एसआयटीची स्थापना करण्यात आली असून या गंभीर प्रकरणाची सखोल चौकशी करण्याचे आदेशही देण्यात आले आहेत, असं त्यांनी आपल्या ट्विटमध्ये म्हटलं आहे. याशिवाय, मुख्यमंत्री धामी यांनी सर्व जिल्हा दंडाधिकाऱ्यांना राज्यभरातील रिसॉर्ट्सची तपासणी करण्याचे आणि बेकायदेशीरपणे रिसॉर्ट चालविणाऱ्यांवर आवश्यक ती कारवाई सुनिश्चित करण्याचे निर्देश दिले आहेत.

महत्वाचं : तुम्हाला हा लेख/बातमी आवडली असेल तर नक्की शेअर करा आणि महाराष्ट्रनामाला फॉलो करा. तसेच शेअर बाजारातील गुंतवणुकीसंदर्भात तज्ज्ञांनी दिलेल्या सल्ल्याशी आमचा काहीही संबंध नाही. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. शेअर खरेदी/विक्री हा बाजार तज्ज्ञांचा सल्ला आहे. म्युच्युअल फंड आणि शेअर बाजारातील गुंतवणूक ही जोखमींवर आधारित असते. त्यामुळे कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.

News Title: Uttarakhand Ankita Bhandari Murder locals torch Resort owned By Former BJP Ministers Son 24 September 2022.

Disclaimer: म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.