शिंद गटातून 'ठाकरे' वजा केल्यावर मतं 5% टक्क्यावर आली, आता अजित पवारांच्या राष्ट्रवादीतून मोठे पवार आणि काँग्रेस वजा केल्यास मतं 0.5 होतील
NCP Political Crisis | महाराष्ट्राच्या राजकारणात रविवारची मोठी खळबळ उडाली आहे. राज्याच्या राजकारणात भीष्म पितामह अशी प्रतिष्ठा असलेल्या शरद पवार यांना मोठा धक्का बसला असून त्यांचे पुतणे अजित पवार 9 आमदारांसह एकनाथ शिंदे सरकारमध्ये सामील झाले आहेत. त्यांना राष्ट्रवादीच्या किमान ४० आमदारांचा पाठिंबा असल्याचे बोलले जात आहे. काल ते आमदारांसह अचानक राज्यपाल भवनात पोहोचले आणि सरकारला पाठिंबा जाहीर केला. त्यानंतर एकूण 9 आमदारांनी मंत्रिपदाची शपथ घेतली. आता या आमदारांवर कारवाईची मागणी करत राष्ट्रवादीने विधानसभा अध्यक्षांच्या दारात धाव घेतली आहे.
जयंत पाटील यांचे कारवाईचे संकेत
जयंत पाटील म्हणतात की, शपथ घेतलेल्या आमदारांना पक्ष बदलण्याचा आणि मंत्री होण्याचा अधिकार नाही. त्यांनी राष्ट्रवादीविरोधात बंड केल्याने त्यांना अपात्र ठरवण्यात येऊ शकते. आमदारांची संख्या कितीही असली तरी पक्षाने नेमलेला व्हिप सोबत आमदार गेले नाही तर त्यांच्या सांगण्यावरून या लोकांना अपात्र ठरविले जाऊ शकते, असे सर्वोच्च न्यायालयाने नुकत्याच दिलेल्या एका निकालात म्हटले आहे याची जयंत पाटील यांनी आठवण करून दिली आहे.
शिंदे गटाचे एनडीएतील स्थान घसरले
अजित पवार यांच्या एनडीए प्रवेशामुळे एकनाथ शिंदे यांचे राजकीय स्थान कमी झाल्याची चर्चा आहे. २८८ सदस्यांच्या महाराष्ट्र विधानसभेत भाजपचे १०५ आमदार आहेत, तर एकनाथ शिंदे यांच्या नेतृत्वाखालील शिवसेनेचे ४० आमदार आहेत. ४० आमदार असलेले शिंदे मुख्यमंत्री राहिले. आपल्याकडे राष्ट्रवादीच्या ४० आमदारांचा पाठिंबा असल्याचा दावाही अजित पवार यांनी केला आहे. त्यामुळे शिंदे आणि पवार हे दोघेही एनडीएत समान भागीदार झाले आहेत. मात्र पुढे सुप्रीम कोर्टाच्या निकालामुले मुख्यमंत्री पद गेल्यावर शिंदे गटाची राजकीय अवस्था अत्यंत दयनीय होईल असं म्हटलं जातंय.
मंत्री पद होण्याच्या प्रतीक्षेत शिंदे गट पण झालं उलटंच
एकनाथ शिंदे सरकारला तीन दिवसांपूर्वी एक वर्ष पूर्ण झाले असून शिंदे गटाच्या आमदारांना मंत्रिपद दिले जाणार असल्याची चर्चा होती. जुलैच्या पहिल्या आठवड्यात मंत्रिमंडळ विस्तार होईल आणि त्यात शिंदे यांच्या सहकाऱ्यांचा समावेश होईल, अशी चर्चा नुकतीच मुंबईपासून दिल्लीपर्यंत झाली होती, पण त्यापूर्वी अजित पवार यांच्या प्रवेशाने शिंदे आणि शिंदे गटाच्या आमदारांच्या आशा धुळीस मिळाल्याचे समजलं जातंय. याबाबत शिंदे गटातील आमदारांमध्ये प्रचंड नाराजी पसरल्याचे वृत्त आहे. आता मंत्रिपद सोडा, आगामी विधानसभा आणि लोकसभा निवडणुकीत तिकीट मिळेल का याची देखील शाश्वती देता येणार नाही.
शिंदे यांच्या शिवसेनेला गटाला केवळ ५.५ टक्के मते मिळतील – सर्वेक्षण
राज्याचे मुख्यमंत्री एकनाथ शिंदे यांना मोठा धक्का बसण्याची शक्यता प्रसिद्ध कंपनीच्या सर्वेक्षणाच्या निकालातून दिसून आली होती. तेव्हा अजित पवारांचा गट सोबत नव्हता. आता त्यातही वाटेकरी आल्याने शिंदेंच्या एकूण मतांचा आकडा अजून घसरेल असं म्हटलं जातंय. त्यावेळेची एकनाथ शिंदे यांचा गट शिवसेनेला केवळ ५.५ टक्के मते मिळू शकतात असं त्या सर्व्हेत म्हटले होते. शिंदे यांच्यापासून ‘ठाकरे’ वजा केल्यावर त्यांच्या मतं किती घातली आहेत याचा प्रत्यय आला होता.
अजित पवारांपासून ‘शरद पवार आणि काँग्रेस’ वजा केल्यास मतं ०.५ वर येतील
जी अवस्था एकनाथ शिंदे यांच्या मतांची झाली आहे, तशीच किंवा त्याहून अधिक बिकट अवस्था अजित पवार यांची होऊ शकते जर त्यांच्या राजकारणातून शरद पवार आणि काँग्रेसचा पारंपरिक मतदार मतं वजा केल्यास अजित पवार समर्थक देखील मोठ्या प्रमाणावर पराभूत होतील असं राजकीय तज्ज्ञांनी मतं व्यक्त केले आहे. तसेच भाजपसबत गेल्याने अजित पवारांचे समर्थक आमदार-खासदार अल्पसंख्यांक आणि बहुजनांच्या मतांना देखील गमावतील असं राजकीय तज्ज्ञ सांगत आहेत. त्यामुळे अजित पवार यांच्यासाठी आता राजकीय गणिताची स्थिती शिंदे यांच्याहून बिकट असेल असे संकेत मिळत आहेत.
News Title : Ajit Pawar joins BJP alliance check details on 02 July 2023.
संबंधित बातम्या
व्हिडिओ
- VIDEO | सोमैयांच्या भंपक आरोपांचा इतिहास | ५'वी दिवाळी आली तरी अजित पवार-तटकरे बाहेरच
- VIDEO | अमेरिकेत बायडन तर महाराष्ट्रात पवार यांची पावसातील सभा | पहा..
- VIDEO | जलयुक्त शिवार योजना | फडणवीसांची फिरवाफिरवी | राज ठाकरेंकडून वास्तव
- पेट्रोल डिझेलचे भाव गगनाला भिडले तरी मोदी गप्प?
- कोरोना रुग्णांच्या आरोग्य सेवांवरून राज्य सरकार गोधळलंय
- महाराष्ट्रनामा कोरोना डॅशबोर्ड
- महाराष्ट्र...कोरोना रुग्ण...बेड्स...राज्य सरकारचं वास्तव उघड
- सोनू सूद लॉकडाउन दरम्यानचा खरंच देव आहे? जाणून घ्या सत्य
- सरकारने पोलिसांवरील उपचारासाठी मरोळ PTS ताब्यात घ्यावं
राहुन गेलेल्या बातम्या
- Numerology Horoscope | 09 मे 2024 | तुमची जन्म तारीख किती? अंकज्योतिष शास्त्र सांगेल तुमचा गुरुवारचा दिवस कसा असेल
- Adani Green Share Price | अदानी ग्रीन शेअर्समध्ये मजबूत तेजी येणार, नवीन अपडेट येताच शेअर्सची खरेदी वाढली
- L&T Share Price | भरवशाचा L&T शेअर स्वस्तात खरेदी करा, यापूर्वी 350% परतावा दिला, ऑर्डरबुक मजबूत झाली
- Bonus Shares | फ्री शेअर्सचा पाऊस पडणार! झटपट पैसा दुप्पट करणारा शेअर खरेदी करा, संधी सोडू नका
- Adani Port Share Price | कंपनीकडून एक बातमी आली अदानी पोर्ट्स शेअर्स सुसाट वाढीचे संकेत मिळाले, फायदा घेणार?
- Numerology Horoscope | 06 मे 2024 | तुमची जन्म तारीख किती? अंकज्योतिष शास्त्र सांगेल तुमचा सोमवारचा दिवस कसा असेल
- Adani Port Share Price | अदानी पोर्ट्स शेअर बक्कळ कमाई करून देणार, अल्पावधीत मिळेल 33 टक्के परतावा
- Penny Stocks | टॉप 10 स्वस्त पेनी शेअर्स, प्रतिदिन 10 ते 40 टक्केपर्यंत परतावा देत आहेत, खरेदी करणार?
- Federal Bank Share Price | टॉप बोकरेज फर्मचा फेडरल बँक शेअर्स खरेदीचा सल्ला, पुढे मिळेल मोठा परतावा
- Vodafone Idea Share Price | शेअर प्राईस 12 रुपये! तज्ज्ञांचा स्टॉक 'होल्ड' करण्याचा सल्ला, पुढे 100% परतावा देईल