गुजरातमधल्या सुरतच्या तक्षशिला इमारतीला आग लागून आत्तापर्यंत एकूण वीस निरपराधांचा मृत्यू झाला आहे. यामध्ये तब्बल दहा पेक्षा जास्त विद्यार्थ्यांचा समावेश आहे असेही समजते आहे. दरम्यान एएनआय या वृत्तसंस्थेने या संदर्भातले वृत्त दिले आहे. या इमारतीला या इमारतीला लागलेल्या आगीपासून बचाव करण्यासाठी विद्यार्थ्यांनी आणि लोकांनी उड्या टाकल्या आहेत. काहीजण या इमारतीत अडकलेही आहेत. या इमारतीच्या दुसऱ्या मजल्यावर कोचिंग क्लास आहे. हा क्लास सुरू असतानाच अचानक आग लागली त्यामुळे विद्यार्थ्यांनी अडकलेल्या लोकांनी उड्या टाकल्या. तसेच इतर काही लोकांनीही इमारतीच्या दुसऱ्या आणि चौथ्या मजल्यावरून उड्या टाकल्या.

मृतांच्या कुटुंबीयांना गुजरातचे मुख्यमंत्री विजय रूपाणी यांनी ४ लाखांची मदत जाहीर केली आहे. तसेच संबंधित घटना का घडली? इमारतीत आग नियंत्रण करणारी यंत्रणा नव्हती का? याबाबत सविस्तर चौकशीचेही आदेश दिले आहेत.मुख्यमंत्री विजय रूपाणी यांनी घटनास्थळी भेट दिली तसेच रूग्णालयात जाऊन जखमींचीही विचारपूस केली.

सुरतमध्ये शॉपिंग कॉम्प्लेक्सला आग लागून २० जणांचा मृत्यू