Federal Bank Share Price | फेडरल बँक स्टॉकमध्ये मागील काही दिवसापासून जबरदस्त अस्थिरता पाहायला मिळत आहे. मार्च 2024 तिमाहीत फेडरल बँकेचा ग्रॉस अडवांस 20 टक्क्यांच्या वाढीसह 2,12,758 कोटी रुपये नोंदवला गेला आहे. तर मागील वर्षीच्या याच तिमाहीत बँकेचा अडवांस 1,77,377 कोटी रुपये नोंदवला गेला होता. ( फेडरल बँक अंश )
31 मार्च 2023 रोजी फेडरल बँकेकडे एकूण 2,52,583 कोटी रुपये ठेवी होत्या. वार्षिक आधारावर यात 18 टक्के वाढ नोंदवली गेली आहे. मागील वर्षी याच तिमाहीत फेडरल बँकेकडे 2,13,386 कोटी रुपयेच्या ठेवी होत्या. आज शुक्रवार दिनांक 5 एप्रिल 2024 रोजी फेडरल बँक स्टॉक 0.98 टक्के वाढीसह 153.95 रुपये किमतीवर ट्रेड करत आहे.
फेडरल बँकेच्या किरकोळ पतपुरवठ्यात 25 टक्के आणि घाऊक पतपुरवठ्यात 15 टक्क्यांची वाढ पाहायला मिळाली आहे. तसेच बँकेचा रिटेल आणि होलसेल गुणोत्तर 56:44 आहे. तज्ञांच्या मते, फेडरल बँक शेअर्समध्ये 15 टक्क्यांची वाढ पाहायला मिळू शकते. काही तज्ञांच्या मते, या बँकेचे शेअर्स 190 रुपये किमतीवर जाऊ शकतात.
सिटी फर्मने फेडरल बँकेच्या स्टॉकवर 135 रुपये टार्गेट प्राइज निश्चित करून स्टॉक विकण्याचा सल्ला दिला आहे. मॉर्गन स्टॅन्ले ब्रोकरेज फर्मने या स्टॉकवर 165 रुपये टार्गेट प्राइज निश्चित केली आहे. तर नोमुरा फर्मच्या तज्ञांच्या मते, या बँकेचे शेअर्स 190 रुपये किंमत स्पर्श करू शकतात.
शेअर बाजारातील दिग्गज गुंतवणुकदार राकेश झुनझुनवाला यांच्या पत्नी रेखा झुनझुनवाला यांच्याकडे डिसेंबर 2023 पर्यंत फेडरल बँकेचे 7,27,13,440 इक्विटी शेअर्स म्हणजेच 3.02 टक्के भाग भंडवल होते. या शेअर्सचे एकूण मुल्य 1,125 कोटी रुपये आहे. फेडरल बँकेने मार्च 2024 तिमाहीचे शेअर होल्डिंग पॅटर्न अद्याप जाहीर केलेले नाही.
महत्वाचं : म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.
