विधानसभा अध्यक्षपदासाठी काँग्रेसकडून नाना पटोले विरूद्ध भाजपचे किसन कथोरे

मुंबई: विधानसभाध्यक्षपदासाठी काँग्रेसकडून नाना पटोले यांचं नाव निश्चित करण्यासाठी लवकरच ते अर्ज दाखल करतील अशी माहिती काँग्रेस प्रदेशाध्यक्ष बाळासाहेब थोरात (Congress Maharashtra President Balasaheb Thorat) यांनी दिली आहे. त्यानंतर आज विधिमंडळ सचिवांकडे नाना पटोले (Congress Leader Nana Patole) यांनी उमेदवारी अर्ज भरला आहे. त्यावेळी त्यांच्यासोबत एकनाथ शिंदे , बाळासाहेब थोरात, छगन भुजबळ, विजय वडेट्टीवार हे नेते उपस्थित होते.

महाराष्ट्र विकास आघाडीच्या ज्येष्ठ नेत्यांच्या उपस्थितीत आ. @NANA_PATOLE यांनी महाराष्ट्र विधानसभा अध्यक्ष निवडणुकीसाठी अर्ज दाखल केला.#MahaVikasAghadi pic.twitter.com/yuCHrhm8mH

— Maharashtra Congress (@INCMaharashtra) November 30, 2019

दरम्यान, उपमुख्यमंत्रीपदावरुन कोणताही वाद नसल्याचा दावाही त्यांनी केला आहे. उपमुख्यमंत्रीपद राष्ट्रवादीलाच मिळेल अशी माहिती त्यांनी दिली आहे. दुसरीकडे भारतीय जनता पक्षाकडून मुरबाडचे आमदार किसन कथोरे (BJP MLA Kisan Kathore) यांचा उमेदवारी अर्ज दाखल करण्यात आला आहे.

विधानसभा अध्यक्ष पदासाठी भाजपाचे ज्येष्ठ आमदार किसन कथोरे यांचे नामनिर्देशन पत्र आज प्रदेशाध्यक्ष चंद्रकांत पाटील यांच्या नेतृत्वात आम्ही दाखल केले. यावेळी आमदार अतुल भातकळर, पराग अळवणी, संजय केळकर आदी उपस्थित होते! pic.twitter.com/YvtMtQu8ee

— Adv. Ashish Shelar – ॲड. आशिष शेलार (@ShelarAshish) November 30, 2019

राष्ट्रवादी काँग्रेसचे विधीमंडळ पक्षाचे नेते जयंत पाटील यांनीही स्पष्ट केले की विधानसभा अध्यक्षपद काँग्रेसकडे राहील. ते म्हणाले, ‘काँग्रेसने विधानसभा अध्यक्षपदासाठी ३-४ नावं सुचवली होती. आम्ही सांगितली की तुम्ही यापैकी कोणतंही नाव निवडा, आमची त्याला हरकत असेल असं म्हटलं होतं.

Balasaheb Thorat,Congress: Nana Patole will be the Congress candidate for Speaker elections. #Maharashtra pic.twitter.com/oqaH1VjZVW

— ANI (@ANI) November 30, 2019

किसन कथोरे हे भारतीय जनता पक्षाचे आमदार असून २०१४ साली ते ८५ हजार ५४३ मतांनी विजयी झाले होते. तर २०१९ लाही ते मुरबाड विधानसभा मतदारसंघातून आमदार म्हणून निवडून आले आहेत. त्यांच्याविरोधात उभे असणारे राष्ट्रवादी कॉंग्रेस पक्षाचे गोटीराम यांचा २६ हजार २३० मतांनी पराभव केला होता. भारतीय जनता पक्षाचे मुरबाडचे आमदार किसन कथोरे यांच्याविरुद्ध बनावट कागदपत्रे तयार करून शेतकी संस्था स्थापन केल्याप्रकरणी गुन्हा दाखल करण्याचे आदेश उल्हासनगरच्या न्यायालयाने दिले होते. धक्कादायक बाब म्हणजे सनदी अधिकारी आर. ए. राजीव आणि काही मृत व्यक्तींच्या नावाचाही यात समावेश आहे.