हिंदूहृदयसम्राट सावरकर दैवत, हक्कभंग आला तरी सावरकरांवर बोलणार: देवेंद्र फडणवीस

नागपूर : शेतकरी प्रश्न आणि सावरकरांच्या मुद्द्यावर नागपुरातील हिवाळी अधिवेशनाच्या पहिल्याच दिवशी विरोधी पक्षाने सरकारला धारेवर धरलं. भारतीय जनता पक्ष आमदारांनी सभागृहात घोषणाबाजी केल्यानंतर विधीमंडळ सभागृहाचं कामकाज उद्यापर्यंत स्थगित करण्यात आलं. त्यानंतर विरोधीपक्ष नेते देवेंद्र फडणवीस यांनी सभागृहाबाहेर येऊन ठाकरे सरकारवर निशाणा साधला.

मी पण सावरकर !
We too Savarkar !

सावरकरजी के सम्मान में भाजपा मैदान में … pic.twitter.com/QSUh3yZ1Bo

— Devendra Fadnavis (@Dev_Fadnavis) December 16, 2019

विरोधी पक्षनेते देवेंद्र फडणवीस आणि भारतीय जनता पक्षाचे प्रदेशाध्यक्ष चंद्रकांतदादा पाटील यांच्या नेतृत्वात भारतीय जनता पक्षाचे आमदार राहुल गांधी यांच्या निषेधाच्या घोषणा देत सभागृहाच्या पायऱ्यापर्यंत आले. महाराष्ट्र विधिमंडळाचे हिवाळी आधिवेशन आजपासून नागपुरात सुरू होत आहे. मुख्यमंत्री उद्धव ठाकरे आणि विरोधी पक्षनेते देवेंद्र फडणवीस यांच्या कालच्या पत्रकार परिषदा पाहता अधिवेशनाच्या काळात या नेत्यांमधील राजकीय जुगलबंदी चांगलीच रंगणार, हे निश्चित.

प्रवीण दरेकर यांची विधानपरिषदेचे विरोधी पक्षनेते, सुजितसिंह ठाकूर यांची परिषदेत मुख्य प्रतोद, भाई गिरकर यांची उपनेते म्हणून नियुक्ती झाल्याबद्दल त्यांचेही यावेळी अभिनंदन केले. pic.twitter.com/Lf9wpyYnSu

— Devendra Fadnavis (@Dev_Fadnavis) December 16, 2019

विधिमंडळाचं हिवाळी अधिवेशन राज्याची उपराजधानी असलेल्या नागपुरात आजपासून सुरू झालं आहे. हे अधिवेशन आठवडाभर चालणार आहे. अधिवेशनाच्या पहिल्याच दिवशी भारतीय जनता पक्ष आमदारांनी ‘मी पण सावरकर’ अशा टोप्या घालत सरकारविरोधात आक्रमक भूमिका घेतली. तसंच राहुल गांधी यांच्याविरोधात जोरदार घोषणाबाजी केली. त्यामुळे आगामी काळातही याच मुद्द्यावरून भारतीय जनता पक्ष सरकारला लक्ष्य करणार असल्याचं दिसत आहे.

Web Title:  Opposition Leader Devendra Fadnavis on Sawarkar at Nagpur Winter Session to Protest

Disclaimer: म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.