EXIT POLL: महाराष्ट्रानंतर झारखंडमध्ये भाजपाची सत्ता जाणार; मोदी-शहांना झटका

रांची: झारखंड विधानसभा निवडणुकीचा निकाल २३ डिसेंबर रोजी लागणार आहे. त्यापूर्वीच एक्झिट पोलचा अंदाज जाहीर झाला आहे. एक्झिट पोलच्या अंदाजानुसार झारखंडमधून भारतीय जनता पक्षाला सत्तेतून पायउतार व्हावं लागणार आहे. तर राज्यात जेएमएम-काँग्रेस आघाडीचं सरकार येण्याची चिन्हे असून भारतीय जनता पक्षासाठी हे निकाल धक्कादायक असल्याचं मानलं जात आहे.

इंडिया टुडे आणि ऍक्सिस माय इंडिया यांच्या एक्झिट पोलमध्ये २२ ते ३२, जेएमएम आणि मित्रपक्षांना ३८ ते ५०, जेव्हीएमला २ ते ४, एजेएसयूला ३ ते ५ आणि इतर पक्षांना ४ ते ७ जागा मिळतील असा अंदाज वर्तवण्यात आला आहे. मतदानाच्या टक्केवारीचा अंदाज घेतल्यास भारतीय जनता पक्षाला ३४ टक्के, जेएमएम आणि मित्रपक्षांना ३७ टक्के मते मिळतील असा अंदाज वर्तवण्यात आला आहे.

झारखंडमध्ये पाच टप्प्यांमध्ये मतदान झालं. २० डिसेंबरला शेवटच्या टप्प्यातलं मतदान पार पडलं. त्यानंतर एक्झिट पोल्सचे निकाल जाहीर झाले आहेत. झारखंड विधानसभा निवडणुकीसाठी मतदानाचा अखेरचा टप्पा २० डिसेंबरला संपुष्टात आला. झारखंड निवडणुकीचे निकाल २३ डिसेंबरला लागतील. मागच्या निवडणुकीत भारतीय जनता पक्षाने झारखंडमध्ये विजय मिळवला होता. हेमंत सोरेन यांचा झारखंड मुक्ती मोर्चा दोन क्रमांकाचा मोठा पक्ष ठरला होता. या वेळी हेमंत सोरेन झारखंडचे मोठे दावेदार मानले जात आहेत.

कशिश न्यूज

भाजप २५-३०
कॉंग्रेस ३७-४९
AJSU २-४
इतर २-४

आईएएनएस सी वोटर एबीपी

भाजप ३२
कॉंग्रेस ३५
AJSU ५
इतर ९

इंडिया टुडे एक्सिस माय इंडिया

भाजप २२-३२
कॉंग्रेस ३५
AJSU ५
इतर ९

सध्याचं पक्षीय बलाबल

भाजप : ३७
जेएमएम: १९
काँग्रेस: ७
जेव्हीएम: ८
जेएसयू : ५
इतर : ६
एकूण: ८१

Web Title:  Jharkhand Exit Polls results says Congress and JMM to take lead BJP.