फडणवीसांना ट्रोलिंग थांबवा अन्यथा भाजप कार्यकर्ते जशास तसं उत्तर देतील

मुंबई, २ मे: दोन दिवसांपूर्वी अभिव्यक्ती स्वातंत्र, प्रसार माध्यमांचं स्वातंत्र आणि समाज माध्यमांवरील सामान्य लोकांचं मत प्रदर्शन करण्याचं स्वातंत्र यावरून राज्याचे राज्यपाल भगत सिंग कोषारी यांची भेट घेणारे भाजपचे नेते आता फडणवीसांवर होणाऱ्या ट्रॉलिंग वरून पोलिसांकडे तक्रार दाखल करून आले आहेत. त्यामुळे भाजपची संभ्रमावस्था वाढत असल्याचं मत सत्ताधारी व्यक्त करत आहेत.

माजी मुख्यमंत्री आणि विरोधी पक्षनेते देवेंद्र फडणवीस यांना सोशल मीडियावर आक्षेपार्ह भाषेत ट्रोल केलं जात असून ट्रोल करणाऱ्यांना रोखलं जावं अशी मागणी भाजपा नेत्यांनी पोलीस आयुक्त परमबीर सिंह यांच्याकडे केली आहे. विधानपरिषदेतील विरोधी पक्षनेते प्रवीण दरेकर, भाजप खासदार गोपाळ शेट्टी आणि आमदार मंगलप्रभात लोढा परमबीर सिंह यांच्या भेटीला पोहोचले होते.

.@Dev_Fadnavis जी यांच्यावर अश्लील व विकृत तसेच धमकी देणाऱ्या पोस्ट टाकणाऱ्यां विरुद्ध कारवाई करावी अशी मागणी पोलीस आयुक्त, मुंबई यांच्याकडे केली. माझ्यासोबत @bjp4mumbai अध्यक्ष आमदार @MPLodha जी, खासदार @iGopalShetty जी, आमदार ॲड. @ShelarAshish जी उपस्थित होते. @BJP4Maharashtra pic.twitter.com/UXeA6whHlx

— Pravin Darekar – प्रविण दरेकर (@mipravindarekar) May 2, 2020

अनेक वेळा अश्लील पोस्ट टाकल्यानंतर त्याला दम देणं अपेक्षित आहे का ? भाजपाची सहनशीलता दुर्बलता समजू नये. अन्यथा आमचे कार्यकर्ते जशास तसं उत्तर देतील हेही आम्ही नम्रपणे सांगितलं,” असल्याचं प्रवीण दरेकर यांनी सांगितलं आहे. त्यामुळे एकूण दोन्ही बाजू पाहता आता सत्ताधारी समर्थक आणि विरोधी पक्षातील समर्थकांमध्ये समाज माध्यमांवर वाद विकोपाला जाण्याची शक्यता वर्तविण्यात आली आहे.

News English Summary: Former Chief Minister and Leader of Opposition Devendra Fadnavis is being trolled in offensive language on social media and BJP leaders have demanded that Commissioner of Police Parambir Singh be stopped.

News English Title: BJP Leaders Meet Mumbai Police Commissioner Demanding Action Against Trollers on social media News Latest Updates.

Disclaimer: म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.