राज्यात कोरोनाचे नवे २०९१ रुग्ण; एकूण ऍक्टिव्ह रुग्ण संख्या ३६००४ - आरोग्यमंत्री

मुंबई, २६ मे: महाराष्ट्रात आज २०९१ नवे कोरोना रुग्ण आढळले आहेत. तर ९७ कोरोनाबाधितांचा मृत्यू झाला आहे. कोरोनाग्रस्तांची महाराष्ट्रातली संख्या ५४ हजार ७५८ इतकी झाली आहे. राज्यात सध्या ३६ हजार ४ ऍक्टिव्ह रुग्ण आहेत. तर गेल्या चोवीस तासांमध्ये ११६८ रुग्ण बरे होऊन घरी गेले आहेत. महाराष्ट्रात आत्तापर्यंत १६ हजार ९५४ रुग्णांना डिस्चार्ज देण्यात आला आहे. आरोग्यमंत्री राजेश टोपे यांनी ही माहिती दिली आहे.

राज्यात आज दिवसभरात १ हजार १६८ करोना बाधित रुग्ण उपचारानंतर बरे होऊन घरी गेले आहेत. आजपर्यंत राज्यात १६ हजार ९५४ रुग्ण बरे झाले आहेत. आजपर्यंत पाठविण्यात आलेल्या ३ लाख ९० हजार १७० नमुन्यांपैकी ५४ हजार ७५८ नमुने करोना करिता पॉझिटिव्ह आले आहेत. सध्या राज्यात ५ लाख ६७ हजार ६२२ लोक होम क्वारंटाईनमध्ये असून, ३५ हजार २०० लोक संस्थात्मक क्वारंटाईनमध्ये आहेत. राज्यात सध्या २ हजार ५६२ कंटेनमेंट झोन क्रियाशील आहेत. आज एकूण १६ हजार ७८० सर्वेक्षण पथकांनी काम केले असून, ६५.९१ लाख लोकसंख्येचे सर्वेक्षण केलेले आहे, अशी माहिती आरोग्य मंत्री राजेश टोपे यांनी दिली.

राज्यात ९७ करोना बाधितांचा मृत्यू झाला आहे. यामध्ये ३९ मृ्त्यू मुंबईत, ठाण्यात १५, कल्याण डोंबिवलीत १०, पुण्यात ८, सोलापुरात ७, औरंगाबादमध्ये ५, मीरा भाईंदरमध्ये ५, मालेगावमध्ये ३, उल्हासनगरमध्ये ३ आणि नागपुरात १ मृत्यूची नोंद झाली आहे.

राज्यात आज 2091 कोरोना बाधीत रुग्णांची वाढ झाली व एकूण संख्या आता 54758 अशी झाली आहे. आज नवीन 1168 कोरोना बाधित रुग्ण बरे झाले आहेत. एकूण 16954 रुग्ण बरे होऊन दवाखान्यातून घरी पाठविण्यात आले आहेत. राज्यात एकूण 36004 ऍक्टिव्ह रुग्ण आहेत.#CoronaVirusUpdates #MeechMazaRakshak

— Rajesh Tope (@rajeshtope11) May 26, 2020

News English Summary: The current count of COVID19 patients in the state of Maharashtra is 54758 Today, newly 2091 patients have been identified as positive. Also newly 1168 patients have been cured today,totally 16954 patients are cured & discharged from the hospitals. Total Active patients are 36004.

News English Title: The current count of COVID 19 patients in the state of Maharashtra is 54758 Today News Latest Updates.